Actus Apostolorum, Caput 4, versae 32-37

³²Multitudinis autem credentium erat cor et anima una, nec quisquam eorum, quae possidebant, aliquid suum esse dicebat, sed erant illis omnia communia.

³³Et virtute magna reddebant apostoli testimonium resurrectionis Domini Iesu, et gratia magna erat super omnibus illis.

³⁴Neque enim quisquam egens erat inter illos; quotquot enim possessores agrorum aut domorum erant, vendentes afferebant pretia eorum, quae vendebant,

³⁵et ponebant ante pedes apostolorum; dividebatur autem singulis, prout cuique opus erat.

³⁶Ioseph autem, qui cognominatus est Barnabas ab apostolis вЂ” quod est interpretatum filius Consolationis вЂ” Levites, Cyprius genere,

³⁷cum haberet agrum, vendidit et attulit pecuniam et posuit ante pedes apostolorum.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.