Liber Iob, Caput 40, versae 6-14

⁶Respondens autem Dominus Iob de turbine dixit:

⁷“ Accinge sicut vir lumbos tuos;
interrogabo te, et edoce me.

⁸Numquid irritum facies iudicium meum
et condemnabis me, ut tu iustificeris?

⁹Et si habes brachium sicut Deus
et si voce simili tonas?

¹⁰Circumda tibi decorem et sublimitatem;
gloria et decore induere.

¹¹Effunde vehementiam furoris tui
et respiciens omnem arrogantem humilia.

¹²Respice cunctos superbos et confunde eos
et contere impios in loco suo.

¹³Absconde eos in pulvere simul
et facies eorum claude in fovea;

¹⁴et ego confitebor
quod salvare te possit dextera tua.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.