Liber Proverbiorum, Caput 25, versae 1-8

¹ Hae quoque parabolae Salomonis, quas transcripse runt viri Ezechiae regis Iudae.

²Gloria Dei est celare verbum,
et gloria regum investigare sermonem.

³Caelum prae altitudine et terra prae profunditate,
et cor regum inscrutabile.

⁴Aufer scorias de argento,
et egredietur vas pro argentario.

⁵Aufer impium de conspectu regis,
et firmabitur iustitia thronus eius.

⁶Ne gloriosus appareas coram rege
et in loco magnorum ne steteris.

⁷Melius est enim ut dicatur tibi: “ Ascende huc ”,
quam ut humilieris coram principe.

⁸Quae viderunt oculi tui,
ne proferas in iurgio cito,
quoniam quid facies postea,
cum dehonestaverit te amicus tuus?


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.