Liber Psalmorum, Psalmus 120

¹Canticum ascensionum.
Ad Dominum, cum tribularer, clamavi,
et exaudivit me.

²Domine, libera animam meam a labiis mendacii,
a lingua dolosa.

³Quid detur tibi aut quid apponatur tibi,
lingua dolosa?

⁴Sagittae potentis acutae
cum carbonibus iuniperorum.

⁵Heu mihi, quia peregrinatus sum in Mosoch,
habitavi ad tabernacula Cedar!

⁶Multum incola fuit anima mea
cum his, qui oderunt pacem.

⁷Ego eram pacificus;
cum loquebar, illi impugnabant me.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.