Liber Psalmorum, Psalmus 126

¹Canticum ascensionum.
In convertendo Dominus captivitatem Sion,
facti sumus quasi somniantes.

²Tunc repletum est gaudio os nostrum,
et lingua nostra exsultatione.
Tunc dicebant inter gentes:
“ Magnificavit Dominus facere cum eis ”.

³Magnificavit Dominus facere nobiscum;
facti sumus laetantes.

⁴Converte, Domine, captivitatem nostram,
sicut torrentes in austro.

⁵Qui seminant in lacrimis,
in exsultatione metent.

⁶Euntes ibant et flebant
semen spargendum portantes;
venientes autem venient in exsultatione
portantes manipulos suos.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.