Liber Psalmorum, Psalmus 67

¹Magistro chori. Fidibus. PSALMUS. Canticum.

²Deus misereatur nostri et benedicat nobis;
illuminet vultum suum super nos,

³ut cognoscatur in terra via tua,
in omnibus gentibus salutare tuum.

⁴Confiteantur tibi populi, Deus;
confiteantur tibi populi omnes.

⁵Laetentur et exsultent gentes,
quoniam iudicas populos in aequitate
et gentes in terra dirigis.

⁶Confiteantur tibi populi, Deus;
confiteantur tibi populi omnes.

⁷Terra dedit fructum suum;
benedicat nos Deus, Deus noster,

⁸benedicat nos Deus,
et metuant eum omnes fines terrae.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.