Liber Psalmorum, Psalmus 70

¹Magistro chori. David. Ad commemorandum.

²Deus, in adiutorium meum intende;
Domine, ad adiuvandum me festina.

³Confundantur et revereantur,
qui quaerunt animam meam.
Avertantur retrorsum et erubescant,
qui volunt mihi mala.

⁴Convertantur propter confusionem suam,
qui dicunt mihi: “ Euge, euge ”.

⁵Exsultent et laetentur in te omnes, qui quaerunt te;
et dicant semper: “ Magnificetur Deus ”,
qui diligunt salutare tuum.

⁶Ego vero egenus et pauper sum;
Deus, ad me festina.
Adiutor meus et liberator meus es tu;
Domine, ne moreris.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.