ΕΠΙΣΤΟΛΗ ΠΕΤΡΟΥ Α, κεφαλίς 2: BIBLE, Greek/Septuagint == BIBLE-CENTER

ΕΠΙΣΤΟΛΗ ΠΕΤΡΟΥ Α, κεφαλίς 2

¹ἀποθέμενοι οὐ̃ν πα̃σαν κακίαν καὶ πάντα δόλον καὶ ὑποκρίσεις καὶ φθόνους καὶ πάσας καταλαλιάς

²ὡς ἀρτιγέννητα βρέφη τò λογικòν ἄδολον γάλα ἐπιποθήσατε ἵνα ἐν αὐτω̨̃ αὐξηθη̃τε εἰς σωτηρίαν

³εἰ ἐγεύσασθε ὅτι χρηστòς ὁ κύριος

⁴πρòς ὃν προσερχόμενοι λίθον ζω̃ντα ὑπò ἀνθρώπων μὲν ἀποδεδοκιμασμένον παρὰ δὲ θεω̨̃ ἐκλεκτòν ἔντιμον

⁵καὶ αὐτοὶ ὡς λίθοι ζω̃ντες οἰκοδομει̃σθε οἰ̃κος πνευματικòς εἰς ἱεράτευμα ἅγιον ἀνενέγκαι πνευματικὰς θυσίας εὐπροσδέκτους τω̨̃ θεω̨̃ διὰ ’Ιησου̃ Χριστου̃

⁶διότι περιέχει ἐν γραφη̨̃ ἰδοὺ τίθημι ἐν Σιὼν λίθον ἀκρογωνιαι̃ον ἐκλεκτòν ἔντιμον καὶ ὁ πιστεύων ἐπ' αὐτω̨̃ οὐ μὴ καταισχυνθη̨̃

⁷ὑμι̃ν οὐ̃ν ἡ τιμὴ τοι̃ς πιστεύουσιν ἀπιστου̃σιν δὲ λίθος ὃν ἀπεδοκίμασαν οἱ οἰκοδομου̃ντες οὑ̃τος ἐγενήθη εἰς κεφαλὴν γωνίας

⁸καὶ λίθος προσκόμματος καὶ πέτρα σκανδάλου οἳ προσκόπτουσιν τω̨̃ λόγω̨ ἀπειθου̃ντες εἰς ὃ καὶ ἐτέθησαν

⁹ὑμει̃ς δὲ γένος ἐκλεκτόν βασίλειον ἱεράτευμα ἔθνος ἅγιον λαòς εἰς περιποίησιν ὅπως τὰς ἀρετὰς ἐξαγγείλητε του̃ ἐκ σκότους ὑμα̃ς καλέσαντος εἰς τò θαυμαστòν αὐτου̃ φω̃ς

¹⁰οἵ ποτε οὐ λαòς νυ̃ν δὲ λαòς θεου̃ οἱ οὐκ ἠλεημένοι νυ̃ν δὲ ἐλεηθέντες

¹¹ἀγαπητοί παρακαλω̃ ὡς παροίκους καὶ παρεπιδήμους ἀπέχεσθαι τω̃ν σαρκικω̃ν ἐπιθυμιω̃ν αἵτινες στρατεύονται κατὰ τη̃ς ψυχη̃ς

¹²τὴν ἀναστροφὴν ὑμω̃ν ἐν τοι̃ς ἔθνεσιν ἔχοντες καλήν ἵνα ἐν ὡ̨̃ καταλαλου̃σιν ὑμω̃ν ὡς κακοποιω̃ν ἐκ τω̃ν καλω̃ν ἔργων ἐποπτεύοντες δοξάσωσιν τòν θεòν ἐν ἡμέρα̨ ἐπισκοπη̃ς

¹³ὑποτάγητε πάση̨ ἀνθρωπίνη̨ κτίσει διὰ τòν κύριον εἴτε βασιλει̃ ὡς ὑπερέχοντι

¹⁴εἴτε ἡγεμόσιν ὡς δι' αὐτου̃ πεμπομένοις εἰς ἐκδίκησιν κακοποιω̃ν ἔπαινον δὲ ἀγαθοποιω̃ν

¹⁵ὅτι οὕτως ἐστὶν τò θέλημα του̃ θεου̃ ἀγαθοποιου̃ντας φιμου̃ν τὴν τω̃ν ἀφρόνων ἀνθρώπων ἀγνωσίαν

¹⁶ὡς ἐλεύθεροι καὶ μὴ ὡς ἐπικάλυμμα ἔχοντες τη̃ς κακίας τὴν ἐλευθερίαν ἀλλ' ὡς θεου̃ δου̃λοι

¹⁷πάντας τιμήσατε τὴν ἀδελφότητα ἀγαπα̃τε τòν θεòν φοβει̃σθε τòν βασιλέα τιμα̃τε

¹⁸οἱ οἰκέται ὑποτασσόμενοι ἐν παντὶ φόβω̨ τοι̃ς δεσπόταις οὐ μόνον τοι̃ς ἀγαθοι̃ς καὶ ἐπιεικέσιν ἀλλὰ καὶ τοι̃ς σκολιοι̃ς

¹⁹του̃το γὰρ χάρις εἰ διὰ συνείδησιν θεου̃ ὑποφέρει τις λύπας πάσχων ἀδίκως

²⁰ποι̃ον γὰρ κλέος εἰ ἁμαρτάνοντες καὶ κολαφιζόμενοι ὑπομενει̃τε ἀλλ' εἰ ἀγαθοποιου̃ντες καὶ πάσχοντες ὑπομενει̃τε του̃το χάρις παρὰ θεω̨̃

²¹εἰς του̃το γὰρ ἐκλήθητε ὅτι καὶ Χριστòς ἔπαθεν ὑπὲρ ὑμω̃ν ὑμι̃ν ὑπολιμπάνων ὑπογραμμòν ἵνα ἐπακολουθήσητε τοι̃ς ἴχνεσιν αὐτου̃

²²ὃς ἁμαρτίαν οὐκ ἐποίησεν οὐδὲ εὑρέθη δόλος ἐν τω̨̃ στόματι αὐτου̃

²³ὃς λοιδορούμενος οὐκ ἀντελοιδόρει πάσχων οὐκ ἠπείλει παρεδίδου δὲ τω̨̃ κρίνοντι δικαίως

²⁴ὃς τὰς ἁμαρτίας ἡμω̃ν αὐτòς ἀνήνεγκεν ἐν τω̨̃ σώματι αὐτου̃ ἐπὶ τò ξύλον ἵνα ται̃ς ἁμαρτίαις ἀπογενόμενοι τη̨̃ δικαιοσύνη̨ ζήσωμεν οὑ̃ τω̨̃ μώλωπι ἰάθητε

²⁵ἠ̃τε γὰρ ὡς πρόβατα πλανώμενοι ἀλλὰ ἐπεστράφητε νυ̃ν ἐπὶ τòν ποιμένα καὶ ἐπίσκοπον τω̃ν ψυχω̃ν ὑμω̃ν

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.