ΠΡΟΣ ΤΙΜΟΘΕΟΝ Α, κεφαλίς 2: BIBLE, Greek/Septuagint == BIBLE-CENTER

ΠΡΟΣ ΤΙΜΟΘΕΟΝ Α, κεφαλίς 2

¹παρακαλω̃ οὐ̃ν πρω̃τον πάντων ποιει̃σθαι δεήσεις προσευχάς ἐντεύξεις εὐχαριστίας ὑπὲρ πάντων ἀνθρώπων

²ὑπὲρ βασιλέων καὶ πάντων τω̃ν ἐν ὑπεροχη̨̃ ὄντων ἵνα ἤρεμον καὶ ἡσύχιον βίον διάγωμεν ἐν πάση̨ εὐσεβεία̨ καὶ σεμνότητι

³του̃το καλòν καὶ ἀπόδεκτον ἐνώπιον του̃ σωτη̃ρος ἡμω̃ν θεου̃

⁴ὃς πάντας ἀνθρώπους θέλει σωθη̃ναι καὶ εἰς ἐπίγνωσιν ἀληθείας ἐλθει̃ν

⁵εἱ̃ς γὰρ θεός εἱ̃ς καὶ μεσίτης θεου̃ καὶ ἀνθρώπων ἄνθρωπος Χριστòς ’Ιησου̃ς

⁶ὁ δοὺς ἑαυτòν ἀντίλυτρον ὑπὲρ πάντων τò μαρτύριον καιροι̃ς ἰδίοις

⁷εἰς ὃ ἐτέθην ἐγὼ κη̃ρυξ καὶ ἀπόστολος ἀλήθειαν λέγω οὐ ψεύδομαι διδάσκαλος ἐθνω̃ν ἐν πίστει καὶ ἀληθεία̨

⁸βούλομαι οὐ̃ν προσεύχεσθαι τοὺς ἄνδρας ἐν παντὶ τόπω̨ ἐπαίροντας ὁσίους χει̃ρας χωρὶς ὀργη̃ς καὶ διαλογισμου̃

⁹ὡσαύτως καὶ γυναι̃κας ἐν καταστολη̨̃ κοσμίω̨ μετὰ αἰδου̃ς καὶ σωφροσύνης κοσμει̃ν ἑαυτάς μὴ ἐν πλέγμασιν καὶ χρυσίω̨ ἢ μαργαρίταις ἢ ἱματισμω̨̃ πολυτελει̃

¹⁰ἀλλ' ὃ πρέπει γυναιξὶν ἐπαγγελλομέναις θεοσέβειαν δι' ἔργων ἀγαθω̃ν

¹¹γυνὴ ἐν ἡσυχία̨ μανθανέτω ἐν πάση̨ ὑποταγη̨̃

¹²διδάσκειν δὲ γυναικὶ οὐκ ἐπιτρέπω οὐδὲ αὐθεντει̃ν ἀνδρός ἀλλ' εἰ̃ναι ἐν ἡσυχία̨

¹³’Αδὰμ γὰρ πρω̃τος ἐπλάσθη εἰ̃τα Εὕα

¹⁴καὶ ’Αδὰμ οὐκ ἠπατήθη ἡ δὲ γυνὴ ἐξαπατηθει̃σα ἐν παραβάσει γέγονεν

¹⁵σωθήσεται δὲ διὰ τη̃ς τεκνογονίας ἐὰν μείνωσιν ἐν πίστει καὶ ἀγάπη̨ καὶ ἁγιασμω̨̃ μετὰ σωφροσύνης

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.