ΠΡΟΣ ΤΙΜΟΘΕΟΝ Α, κεφαλίς 6: BIBLE, Greek/Septuagint == BIBLE-CENTER

ΠΡΟΣ ΤΙΜΟΘΕΟΝ Α, κεφαλίς 6

¹ὅσοι εἰσὶν ὑπò ζυγòν δου̃λοι τοὺς ἰδίους δεσπότας πάσης τιμη̃ς ἀξίους ἡγείσθωσαν ἵνα μὴ τò ὄνομα του̃ θεου̃ καὶ ἡ διδασκαλία βλασφημη̃ται

²οἱ δὲ πιστοὺς ἔχοντες δεσπότας μὴ καταφρονείτωσαν ὅτι ἀδελφοί εἰσιν ἀλλὰ μα̃λλον δουλευέτωσαν ὅτι πιστοί εἰσιν καὶ ἀγαπητοὶ οἱ τη̃ς εὐεργεσίας ἀντιλαμβανόμενοι ταυ̃τα δίδασκε καὶ παρακάλει

³εἴ τις ἑτεροδιδασκαλει̃ καὶ μὴ προσέρχεται ὑγιαίνουσιν λόγοις τοι̃ς του̃ κυρίου ἡμω̃ν ’Ιησου̃ Χριστου̃ καὶ τη̨̃ κατ' εὐσέβειαν διδασκαλία̨

⁴τετύφωται μηδὲν ἐπιστάμενος ἀλλὰ νοσω̃ν περὶ ζητήσεις καὶ λογομαχίας ἐξ ὡ̃ν γίνεται φθόνος ἔρις βλασφημίαι ὑπόνοιαι πονηραί

⁵διαπαρατριβαὶ διεφθαρμένων ἀνθρώπων τòν νου̃ν καὶ ἀπεστερημένων τη̃ς ἀληθείας νομιζόντων πορισμòν εἰ̃ναι τὴν εὐσέβειαν

⁶ἔστιν δὲ πορισμòς μέγας ἡ εὐσέβεια μετὰ αὐταρκείας

⁷οὐδὲν γὰρ εἰσηνέγκαμεν εἰς τòν κόσμον ὅτι οὐδὲ ἐξενεγκει̃ν τι δυνάμεθα

⁸ἔχοντες δὲ διατροφὰς καὶ σκεπάσματα τούτοις ἀρκεσθησόμεθα

⁹οἱ δὲ βουλόμενοι πλουτει̃ν ἐμπίπτουσιν εἰς πειρασμòν καὶ παγίδα καὶ ἐπιθυμίας πολλὰς ἀνοήτους καὶ βλαβεράς αἵτινες βυθίζουσιν τοὺς ἀνθρώπους εἰς ὄλεθρον καὶ ἀπώλειαν

¹⁰ῥίζα γὰρ πάντων τω̃ν κακω̃ν ἐστιν ἡ φιλαργυρία ἡ̃ς τινες ὀρεγόμενοι ἀπεπλανήθησαν ἀπò τη̃ς πίστεως καὶ ἑαυτοὺς περιέπειραν ὀδύναις πολλαι̃ς

¹¹σὺ δέ ὠ̃ ἄνθρωπε θεου̃ ταυ̃τα φευ̃γε δίωκε δὲ δικαιοσύνην εὐσέβειαν πίστιν ἀγάπην ὑπομονήν πραϋπαθίαν

¹²ἀγωνίζου τòν καλòν ἀγω̃να τη̃ς πίστεως ἐπιλαβου̃ τη̃ς αἰωνίου ζωη̃ς εἰς ἣν ἐκλήθης καὶ ὡμολόγησας τὴν καλὴν ὁμολογίαν ἐνώπιον πολλω̃ν μαρτύρων

¹³παραγγέλλω σοι ἐνώπιον του̃ θεου̃ του̃ ζω̨ογονου̃ντος τὰ πάντα καὶ Χριστου̃ ’Ιησου̃ του̃ μαρτυρήσαντος ἐπὶ Ποντίου Πιλάτου τὴν καλὴν ὁμολογίαν

¹⁴τηρη̃σαί σε τὴν ἐντολὴν ἄσπιλον ἀνεπίλημπτον μέχρι τη̃ς ἐπιφανείας του̃ κυρίου ἡμω̃ν ’Ιησου̃ Χριστου̃

¹⁵ἣν καιροι̃ς ἰδίοις δείξει ὁ μακάριος καὶ μόνος δυνάστης ὁ βασιλεὺς τω̃ν βασιλευόντων καὶ κύριος τω̃ν κυριευόντων

¹⁶ὁ μόνος ἔχων ἀθανασίαν φω̃ς οἰκω̃ν ἀπρόσιτον ὃν εἰ̃δεν οὐδεὶς ἀνθρώπων οὐδὲ ἰδει̃ν δύναται ὡ̨̃ τιμὴ καὶ κράτος αἰώνιον ἀμήν

¹⁷τοι̃ς πλουσίοις ἐν τω̨̃ νυ̃ν αἰω̃νι παράγγελλε μὴ ὑψηλοφρονει̃ν μηδὲ ἠλπικέναι ἐπὶ πλούτου ἀδηλότητι ἀλλ' ἐπὶ θεω̨̃ τω̨̃ παρέχοντι ἡμι̃ν πάντα πλουσίως εἰς ἀπόλαυσιν

¹⁸ἀγαθοεργει̃ν πλουτει̃ν ἐν ἔργοις καλοι̃ς εὐμεταδότους εἰ̃ναι κοινωνικούς

¹⁹ἀποθησαυρίζοντας ἑαυτοι̃ς θεμέλιον καλòν εἰς τò μέλλον ἵνα ἐπιλάβωνται τη̃ς ὄντως ζωη̃ς

²⁰ὠ̃ Τιμόθεε τὴν παραθήκην φύλαξον ἐκτρεπόμενος τὰς βεβήλους κενοφωνίας καὶ ἀντιθέσεις τη̃ς ψευδωνύμου γνώσεως

²¹ἥν τινες ἐπαγγελλόμενοι περὶ τὴν πίστιν ἠστόχησαν ἡ χάρις μεθ' ὑμω̃ν

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.