ΜΑΚΚΑΒΑΊΩΝ Β, κεφαλίς 8: BIBLE, Greek/Septuagint == BIBLE-CENTER

ΜΑΚΚΑΒΑΊΩΝ Β, κεφαλίς 8

¹Ιουδας δὲ ὁ καὶ Μακκαβαι̃ος καὶ οἱ σὺν αὐτω̨̃ παρεισπορευόμενοι λεληθότως εἰς τὰς κώμας προσεκαλου̃ντο τοὺς συγγενει̃ς καὶ τοὺς μεμενηκότας ἐν τω̨̃ Ιουδαϊσμω̨̃ προσλαμβανόμενοι συνήγαγον εἰς ἑξακισχιλίους

²καὶ ἐπεκαλου̃ντο τὸν κύριον ἐπιδει̃ν τὸν ὑπὸ πάντων καταπατούμενον λαόν οἰκτι̃ραι δὲ καὶ τὸν ναὸν τὸν ὑπὸ τω̃ν ἀσεβω̃ν ἀνθρώπων βεβηλωθέντα

³ἐλεη̃σαι δὲ καὶ τὴν καταφθειρομένην πόλιν καὶ μέλλουσαν ἰσόπεδον γίνεσθαι καὶ τω̃ν καταβοώντων πρὸς αὐτὸν αἱμάτων εἰσακου̃σαι

⁴μνησθη̃ναι δὲ καὶ τη̃ς τω̃ν ἀναμαρτήτων νηπίων παρανόμου ἀπωλείας καὶ περὶ τω̃ν γενομένων εἰς τὸ ὄνομα αὐτου̃ βλασφημιω̃ν καὶ μισοπονηρη̃σαι

⁵γενόμενος δὲ ὁ Μακκαβαι̃ος ἐν συστέματι ἀνυπόστατος ἤδη τοι̃ς ἔθνεσιν ἐγίνετο τη̃ς ὀργη̃ς του̃ κυρίου εἰς ἔλεον τραπείσης

⁶πόλεις δὲ καὶ κώμας ἀπροσδοκήτως ἐρχόμενος ἐνεπίμπρα καὶ τοὺς ἐπικαίρους τόπους ἀπολαμβάνων οὐκ ὀλίγους τω̃ν πολεμίων τροπούμενος

⁷μάλιστα τὰς νύκτας πρὸς τὰς τοιαύτας ἐπιβολὰς συνεργοὺς ἐλάμβανεν καὶ λαλιὰ τη̃ς εὐανδρίας αὐτου̃ διηχει̃το πανταχη̃

⁸συνορω̃ν δὲ ὁ Φίλιππος κατὰ μικρὸν εἰς προκοπὴν ἐρχόμενον τὸν ἄνδρα πυκνότερον δὲ ἐν ται̃ς εὐημερίαις προβαίνοντα πρὸς Πτολεμαι̃ον τὸν Κοίλης Συρίας καὶ Φοινίκης στρατηγὸν ἔγραψεν ἐπιβοηθει̃ν τοι̃ς του̃ βασιλέως πράγμασιν

⁹ὁ δὲ ταχέως προχειρισάμενος Νικάνορα τὸν του̃ Πατρόκλου τω̃ν πρώτων φίλων ἀπέστειλεν ὑποτάξας παμφύλων ἔθνη οὐκ ἐλάττους τω̃ν δισμυρίων τὸ σύμπαν τη̃ς Ιουδαίας ἐξα̃ραι γένος συνέστησεν δὲ αὐτω̨̃ καὶ Γοργίαν ἄνδρα στρατηγὸν καὶ ἐν πολεμικαι̃ς χρείαις πει̃ραν ἔχοντα

¹⁰διεστήσατο δὲ ὁ Νικάνωρ τὸν φόρον τω̨̃ βασιλει̃ τοι̃ς 'Ρωμαίοις ὄντα ταλάντων δισχιλίων ἐκ τη̃ς τω̃ν Ιουδαίων αἰχμαλωσίας ἐκπληρώσειν

¹¹εὐθέως δὲ εἰς τὰς παραθαλασσίους πόλεις ἀπέστειλεν προκαλούμενος ἐπ' ἀγορασμὸν Ιουδαίων σωμάτων ὑπισχνούμενος ἐνενήκοντα σώματα ταλάντου παραχωρήσειν οὐ προσδεχόμενος τὴν παρὰ του̃ παντοκράτορος μέλλουσαν παρακολουθήσειν ἐπ' αὐτω̨̃ δίκην

¹²τω̨̃ δὲ Ιουδα προσέπεσεν περὶ τη̃ς του̃ Νικάνορος ἐφόδου καὶ μεταδόντος τοι̃ς σὺν αὐτω̨̃ τὴν παρουσίαν του̃ στρατοπέδου

¹³οἱ δειλανδρου̃ντες καὶ ἀπιστου̃ντες τὴν του̃ θεου̃ δίκην διεδίδρασκον ἑαυτοὺς καὶ ἐξετόπιζον

¹⁴οἱ δὲ τὰ περιλελειμμένα πάντα ἐπώλουν ὁμου̃ δὲ τὸν κύριον ἠξίουν ῥύσασθαι τοὺς ὑπὸ του̃ δυσσεβου̃ς Νικάνορος πρὶν συντυχει̃ν πεπραμένους

¹⁵καὶ εἰ μὴ δι' αὐτούς ἀλλὰ διὰ τὰς πρὸς τοὺς πατέρας αὐτω̃ν διαθήκας καὶ ἕνεκα τη̃ς ἐπ' αὐτοὺς ἐπικλήσεως του̃ σεμνου̃ καὶ μεγαλοπρεπου̃ς ὀνόματος αὐτου̃

¹⁶συναγαγὼν δὲ ὁ Μακκαβαι̃ος τοὺς περὶ αὐτὸν ὄντας ἀριθμὸν ἑξακισχιλίους παρεκάλει μὴ καταπλαγη̃ναι τοι̃ς πολεμίοις μηδὲ εὐλαβει̃σθαι τὴν τω̃ν ἀδίκως παραγινομένων ἐπ' αὐτοὺς ἐθνω̃ν πολυπλήθειαν ἀγωνίσασθαι δὲ γενναίως

¹⁷πρὸ ὀφθαλμω̃ν λαβόντας τὴν ἀνόμως εἰς τὸν ἅγιον τόπον συντετελεσμένην ὑπ' αὐτω̃ν ὕβριν καὶ τὸν τη̃ς ἐμπεπαιγμένης πόλεως αἰκισμόν ἔτι δὲ τὴν τη̃ς προγονικη̃ς πολιτείας κατάλυσιν

¹⁸οἱ μὲν γὰρ ὅπλοις πεποίθασιν ἅμα καὶ τόλμαις ἔφησεν ἡμει̃ς δὲ ἐπὶ τω̨̃ παντοκράτορι θεω̨̃ δυναμένω̨ καὶ τοὺς ἐρχομένους ἐφ' ἡμα̃ς καὶ τὸν ὅλον κόσμον ἑνὶ νεύματι καταβαλει̃ν πεποίθαμεν

¹⁹προσαναλεξάμενος δὲ αὐτοι̃ς καὶ τὰς ἐπὶ τω̃ν προγόνων γενομένας ἀντιλήμψεις καὶ τὴν ἐπὶ Σενναχηριμ ἑκατὸν ὀγδοήκοντα πέντε χιλιάδες ὡς ἀπώλοντο

²⁰καὶ τὴν ἐν τη̨̃ Βαβυλωνία̨ τὴν πρὸς τοὺς Γαλάτας παράταξιν γενομένην ὡς οἱ πάντες ἐπὶ τὴν χρείαν ἠ̃λθον ὀκτακισχίλιοι σὺν Μακεδόσιν τετρακισχιλίοις τω̃ν Μακεδόνων ἀπορουμένων οἱ ὀκτακισχίλιοι τὰς δώδεκα μυριάδας ἀπώλεσαν διὰ τὴν γινομένην αὐτοι̃ς ἀπ' οὐρανου̃ βοήθειαν καὶ ὠφέλειαν πολλὴν ἔλαβον

²¹ἐφ' οἱ̃ς εὐθαρσει̃ς αὐτοὺς παραστήσας καὶ ἑτοίμους ὑπὲρ τω̃ν νόμων καὶ τη̃ς πατρίδος ἀποθνή̨σκειν τετραμερές τι τὸ στράτευμα ἐποίησεν

²²τάξας καὶ τοὺς ἀδελφοὺς αὐτου̃ προηγουμένους ἑκατέρας τάξεως Σιμωνα καὶ Ιωσηπον καὶ Ιωναθην ὑποτάξας ἑκάστω̨ χιλίους πρὸς τοι̃ς πεντακοσίοις

²³ἔτι δὲ καὶ Ελεαζαρον παραναγνοὺς τὴν ἱερὰν βίβλον καὶ δοὺς σύνθημα θεου̃ βοηθείας τη̃ς πρώτης σπείρας αὐτὸς προηγούμενος συνέβαλε τω̨̃ Νικάνορι

²⁴γενομένου δὲ αὐτοι̃ς του̃ παντοκράτορος συμμάχου κατέσφαξαν τω̃ν πολεμίων ὑπὲρ τοὺς ἐνακισχιλίους τραυματίας δὲ καὶ τοι̃ς μέλεσιν ἀναπείρους τὸ πλει̃ον μέρος τη̃ς του̃ Νικάνορος στρατια̃ς ἐποίησαν πάντας δὲ φυγει̃ν ἠνάγκασαν

²⁵τὰ δὲ χρήματα τω̃ν παραγεγονότων ἐπὶ τὸν ἀγορασμὸν αὐτω̃ν ἔλαβον συνδιώξαντες δὲ αὐτοὺς ἐφ' ἱκανὸν ἀνέλυσαν ὑπὸ τη̃ς ὥρας συγκλειόμενοι

²⁶ἠ̃ν γὰρ ἡ πρὸ του̃ σαββάτου δι' ἣν αἰτίαν οὐκ ἐμακροτόνησαν κατατρέχοντες αὐτούς

²⁷ὁπλολογήσαντες δὲ αὐτοὺς καὶ τὰ σκυ̃λα ἐκδύσαντες τω̃ν πολεμίων περὶ τὸ σάββατον ἐγίνοντο περισσω̃ς εὐλογου̃ντες καὶ ἐξομολογούμενοι τω̨̃ κυρίω̨ τω̨̃ διασώσαντι εἰς τὴν ἡμέραν ταύτην ἀρχὴν ἐλέους τάξαντος αὐτοι̃ς

²⁸μετὰ δὲ τὸ σάββατον τοι̃ς ἠ̨κισμένοις καὶ ται̃ς χήραις καὶ ὀρφανοι̃ς μερίσαντες ἀπὸ τω̃ν σκύλων τὰ λοιπὰ αὐτοὶ καὶ τὰ παιδία διεμερίσαντο

²⁹ταυ̃τα δὲ διαπραξάμενοι καὶ κοινὴν ἱκετείαν ποιησάμενοι τὸν ἐλεήμονα κύριον ἠξίουν εἰς τέλος καταλλαγη̃ναι τοι̃ς αὑτου̃ δούλοις

³⁰καὶ τοι̃ς περὶ Τιμόθεον καὶ Βακχίδην συνερίσαντες ὑπὲρ τοὺς δισμυρίους αὐτω̃ν ἀνει̃λον καὶ ὀχυρωμάτων ὑψηλω̃ν εὐ̃ μάλα ἐγκρατει̃ς ἐγένοντο καὶ λάφυρα πλείονα ἐμερίσαντο ἰσομοίρους αὑτοι̃ς καὶ τοι̃ς ἠ̨κισμένοις καὶ ὀρφανοι̃ς καὶ χήραις ἔτι δὲ καὶ πρεσβυτέροις ποιήσαντες

³¹ὁπλολογήσαντες δὲ αὑτοὺς ἐπιμελω̃ς πάντα συνέθηκαν εἰς τοὺς ἐπικαίρους τόπους τὰ δὲ λοιπὰ τω̃ν σκύλων ἤνεγκαν εἰς Ιεροσόλυμα

³²τὸν δὲ φυλάρχην τω̃ν περὶ Τιμόθεον ἀνει̃λον ἀνοσιώτατον ἄνδρα καὶ πολλὰ τοὺς Ιουδαίους ἐπιλελυπηκότα

³³ἐπινίκια δὲ ἄγοντες ἐν τη̨̃ πατρίδι τοὺς ἐμπρήσαντας τοὺς ἱεροὺς πυλω̃νας καὶ Καλλισθένην ὑφη̃ψαν εἰς ἓν οἰκίδιον πεφευγότα καὶ τὸν ἄξιον τη̃ς δυσσεβείας ἐκομίσατο μισθόν

³⁴ὁ δὲ τρισαλιτήριος Νικάνωρ ὁ τοὺς χιλίους ἐμπόρους ἐπὶ τὴν πρα̃σιν τω̃ν Ιουδαίων ἀγαγὼν

³⁵ταπεινωθεὶς ὑπὸ τω̃ν κατ' αὐτὸν νομιζομένων ἐλαχίστων εἰ̃ναι τη̨̃ του̃ κυρίου βοηθεία̨ τὴν δοξικὴν ἀποθέμενος ἐσθη̃τα διὰ τη̃ς μεσογείου δραπέτου τρόπον ἔρημον ἑαυτὸν ποιήσας ἡ̃κεν εἰς 'Αντιόχειαν ὑπὲρ ἅπαν εὐημερηκὼς ἐπὶ τη̨̃ του̃ στρατου̃ διαφθορα̨̃

³⁶καὶ ὁ τοι̃ς 'Ρωμαίοις ἀναδεξάμενος φόρον ἀπὸ τη̃ς τω̃ν ἐν Ιεροσολύμοις αἰχμαλωσίας κατορθώσασθαι κατήγγελλεν ὑπέρμαχον ἔχειν τοὺς Ιουδαίους καὶ διὰ τὸν τρόπον του̃τον ἀτρώτους εἰ̃ναι τοὺς Ιουδαίους διὰ τὸ ἀκολουθει̃ν τοι̃ς ὑπ' αὐτου̃ προτεταγμένοις νόμοις

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.