Prophetia Ioel, Caput 1, versae 13-17

¹³Accingite vos, et plangite, sacerdotes:
ululate, ministri altaris;
ingredimini, cubate in sacco, ministri Dei mei,
quoniam interiit de domo Dei vestri sacrificium et libatio.

¹⁴Sanctificate jejunium, vocate cœtum,
congregate senes, omnes habitatores terræ
in domum Dei vestri,
et clamate ad Dominum:

¹⁵A, a, a, diei!
quia prope est dies Domini,
et quasi vastitas a potente veniet.

¹⁶Numquid non coram oculis vestris alimenta perierunt
de domo Dei nostri, lætitia et exsultatio?

¹⁷Computruerunt jumenta in stercore suo,
demolita sunt horrea,
dissipatæ sunt apothecæ,
quoniam confusum est triticum.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.