Liber Psalmorum, Psalmus 66

¹ In finem, in hymnis. Psalmus cantici David.

²Deus misereatur nostri, et benedicat nobis;
illuminet vultum suum super nos, et misereatur nostri:

³ut cognoscamus in terra viam tuam,
in omnibus gentibus salutare tuum.

⁴Confiteantur tibi populi, Deus:
confiteantur tibi populi omnes.

⁵Lætentur et exsultent gentes,
quoniam judicas populos in æquitate,
et gentes in terra dirigis.

⁶Confiteantur tibi populi, Deus:
confiteantur tibi populi omnes.

⁷Terra dedit fructum suum:
benedicat nos Deus, Deus noster!

⁸Benedicat nos Deus,
et metuant eum omnes fines terræ.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.