Liber Psalmorum, Psalmus 128

¹Canticum ascensionum.
Beatus omnis, qui timet Dominum,
qui ambulat in viis eius.

²Labores manuum tuarum manducabis,
beatus es, et bene tibi erit.

³Uxor tua sicut vitis fructifera
in lateribus domus tuae;
filii tui sicut novellae olivarum
in circuitu mensae tuae.

⁴Ecce sic benedicetur homo,
qui timet Dominum.

⁵Benedicat tibi Dominus ex Sion,
et videas bona Ierusalem
omnibus diebus vitae tuae;

⁶et videas filios filiorum tuorum.
Pax super Israel!


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.