ΜΑΚΚΑΒΑΊΩΝ Β, κεφαλίς 13: BIBLE, Greek/Septuagint == BIBLE-CENTER

ΜΑΚΚΑΒΑΊΩΝ Β, κεφαλίς 13

¹τω̨̃ δὲ ἐνάτω̨ καὶ τεσσαρακοστω̨̃ καὶ ἑκατοστω̨̃ ἔτει προσέπεσεν τοι̃ς περὶ τὸν Ιουδαν 'Αντίοχον τὸν Εὐπάτορα παραγενέσθαι σὺν πλήθεσιν ἐπὶ τὴν Ιουδαίαν

²καὶ σὺν αὐτω̨̃ Λυσίαν τὸν ἐπίτροπον καὶ ἐπὶ τω̃ν πραγμάτων ἕκαστον ἔχοντα δύναμιν 'Ελληνικὴν πεζω̃ν μυριάδας ἕνδεκα καὶ ἱππέων πεντακισχιλίους τριακοσίους καὶ ἐλέφαντας εἴκοσι δύο ἅρματα δὲ δρεπανηφόρα τριακόσια

³συνέμειξεν δὲ αὐτοι̃ς καὶ Μενέλαος καὶ παρεκάλει μετὰ πολλη̃ς εἰρωνείας τὸν 'Αντίοχον οὐκ ἐπὶ σωτηρία̨ τη̃ς πατρίδος οἰόμενος δὲ ἐπὶ τη̃ς ἀρχη̃ς κατασταθήσεσθαι

⁴ὁ δὲ βασιλεὺς τω̃ν βασιλέων ἐξήγειρεν τὸν θυμὸν του̃ 'Αντιόχου ἐπὶ τὸν ἀλιτήριον καὶ Λυσίου ὑποδείξαντος του̃τον αἴτιον εἰ̃ναι πάντων τω̃ν κακω̃ν προσέταξεν ὡς ἔθος ἐστὶν ἐν τω̨̃ τόπω̨ προσαπολέσαι ἀγαγόντας εἰς Βέροιαν

⁵ἔστιν δὲ ἐν τω̨̃ τόπω̨ πύργος πεντήκοντα πήχεων πλήρης σποδου̃ οὑ̃τος δὲ ὄργανον εἰ̃χεν περιφερὲς πάντοθεν ἀπόκρημνον εἰς τὴν σποδόν

⁶ἐνταυ̃θα τὸν ἱεροσυλίας ἔνοχον ἢ καί τινων ἄλλων κακω̃ν ὑπεροχὴν πεποιημένον ἅπαντες προσωθου̃σιν εἰς ὄλεθρον

⁷τοιούτω̨ μόρω̨ τὸν παράνομον συνέβη θανει̃ν μηδὲ τη̃ς γη̃ς τυχόντα Μενέλαον

⁸πάνυ δικαίως ἐπεὶ γὰρ συνετελέσατο πολλὰ περὶ τὸν βωμὸν ἁμαρτήματα οὑ̃ τὸ πυ̃ρ ἁγνὸν ἠ̃ν καὶ ἡ σποδός ἐν σποδω̨̃ τὸν θάνατον ἐκομίσατο

⁹τοι̃ς δὲ φρονήμασιν ὁ βασιλεὺς βεβαρβαρωμένος ἤρχετο τὰ χείριστα τω̃ν ἐπὶ του̃ πατρὸς αὐτου̃ γεγονότων ἐνδειξόμενος τοι̃ς Ιουδαίοις

¹⁰μεταλαβὼν δὲ Ιουδας ταυ̃τα παρήγγειλεν τω̨̃ πλήθει δι' ἡμέρας καὶ νυκτὸς ἐπικαλει̃σθαι τὸν κύριον εἴ ποτε καὶ ἄλλοτε καὶ νυ̃ν ἐπιβοηθει̃ν τοι̃ς του̃ νόμου καὶ πατρίδος καὶ ἱερου̃ ἁγίου στερει̃σθαι μέλλουσιν

¹¹καὶ τὸν ἄρτι βραχέως ἀνεψυχότα λαὸν μὴ ἐα̃σαι τοι̃ς δυσφήμοις ἔθνεσιν ὑποχειρίους γενέσθαι

¹²πάντων δὲ τὸ αὐτὸ ποιησάντων ὁμου̃ καὶ καταξιωσάντων τὸν ἐλεήμονα κύριον μετὰ κλαυθμου̃ καὶ νηστειω̃ν καὶ προπτώσεως ἐπὶ ἡμέρας τρει̃ς ἀδιαλείπτως παρακαλέσας αὐτοὺς ὁ Ιουδας ἐκέλευσεν παραγίνεσθαι

¹³καθ' ἑαυτὸν δὲ σὺν τοι̃ς πρεσβυτέροις γενόμενος ἐβουλεύσατο πρὶν εἰσβαλει̃ν του̃ βασιλέως τὸ στράτευμα εἰς τὴν Ιουδαίαν καὶ γενέσθαι τη̃ς πόλεως ἐγκρατει̃ς ἐξελθόντας κρι̃ναι τὰ πράγματα τη̨̃ του̃ θεου̃ βοηθεία̨

¹⁴δοὺς δὲ τὴν ἐπιτροπὴν τω̨̃ κτίστη̨ του̃ κόσμου παρακαλέσας τοὺς σὺν αὐτω̨̃ γενναίως ἀγωνίσασθαι μέχρι θανάτου περὶ νόμων ἱερου̃ πόλεως πατρίδος πολιτείας περὶ δὲ Μωδεϊν ἐποιήσατο τὴν στρατοπεδείαν

¹⁵ἀναδοὺς δὲ τοι̃ς περὶ αὐτὸν σύνθημα θεου̃ νίκην μετὰ νεανίσκων ἀρίστων κεκριμένων ἐπιβαλὼν νύκτωρ ἐπὶ τὴν βασιλικὴν αὐλὴν τὴν παρεμβολὴν ἀνει̃λεν εἰς ἄνδρας δισχιλίους καὶ τὸν πρωτεύοντα τω̃ν ἐλεφάντων σὺν τω̨̃ κατ' οἰκίαν ὄντι συνεκέντησεν

¹⁶καὶ τὸ τέλος τὴν παρεμβολὴν δέους καὶ ταραχη̃ς ἐπλήρωσαν καὶ ἐξέλυσαν εὐημερου̃ντες

¹⁷ὑποφαινούσης δὲ ἤδη τη̃ς ἡμέρας του̃το ἐγεγόνει διὰ τὴν ἐπαρήγουσαν αὐτω̨̃ του̃ κυρίου σκέπην

¹⁸ὁ δὲ βασιλεὺς εἰληφὼς γευ̃μα τη̃ς τω̃ν Ιουδαίων εὐτολμίας κατεπείρασεν διὰ μεθόδων τοὺς τόπους

¹⁹καὶ ἐπὶ Βαιθσουρα φρούριον ὀχυρὸν τω̃ν Ιουδαίων προση̃γεν ἐτροπου̃το προσέκρουεν ἠλαττονου̃το

²⁰τοι̃ς δὲ ἔνδον Ιουδας τὰ δέοντα εἰσέπεμψεν

²¹προσήγγειλεν δὲ τὰ μυστήρια τοι̃ς πολεμίοις Ροδοκος ἐκ τη̃ς Ιουδαϊκη̃ς τάξεως ἀνεζητήθη καὶ κατελήμφθη καὶ κατεκλείσθη

²²ἐδευτερολόγησεν ὁ βασιλεὺς τοι̃ς ἐν Βαιθσουροις δεξιὰν ἔδωκεν ἔλαβεν ἀπή̨ει προσέβαλεν τοι̃ς περὶ τὸν Ιουδαν ἥττων ἐγένετο

²³μετέλαβεν ἀπονενοη̃σθαι τὸν Φίλιππον ἐν 'Αντιοχεία̨ τὸν ἀπολελειμμένον ἐπὶ τω̃ν πραγμάτων συνεχύθη τοὺς Ιουδαίους παρεκάλεσεν ὑπετάγη καὶ ὤμοσεν ἐπὶ πα̃σι τοι̃ς δικαίοις συνελύθη καὶ θυσίαν προσήγαγεν ἐτίμησεν τὸν νεὼ καὶ τὸν τόπον ἐφιλανθρώπησεν

²⁴καὶ τὸν Μακκαβαι̃ον ἀπεδέξατο κατέλιπεν στρατηγὸν ἀπὸ Πτολεμαίδος ἕως τω̃ν Γερρηνω̃ν ἡγεμονίδην

²⁵ἠ̃λθεν εἰς Πτολεμαίδα ἐδυσφόρουν περὶ τω̃ν συνθηκω̃ν οἱ Πτολεμαει̃ς ἐδείναζον γὰρ ὑπὲρ ὡ̃ν ἠθέλησαν ἀθετει̃ν τὰς διαστάλσεις

²⁶προση̃λθεν ἐπὶ τὸ βη̃μα Λυσίας ἀπελογήσατο ἐνδεχομένως συνέπεισεν κατεπράυνεν εὐμενει̃ς ἐποίησεν ἀνέζευξεν εἰς 'Αντιόχειαν οὕτω τὰ του̃ βασιλέως τη̃ς ἐφόδου καὶ τη̃ς ἀναζυγη̃ς ἐχώρησεν

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.