ΜΑΚΚΑΒΑΊΩΝ Β, κεφαλίς 6: BIBLE, Greek/Septuagint == BIBLE-CENTER

ΜΑΚΚΑΒΑΊΩΝ Β, κεφαλίς 6

¹μετ' οὐ πολὺν δὲ χρόνον ἐξαπέστειλεν ὁ βασιλεὺς γέροντα 'Αθηναι̃ον ἀναγκάζειν τοὺς Ιουδαίους μεταβαίνειν ἀπὸ τω̃ν πατρίων νόμων καὶ τοι̃ς του̃ θεου̃ νόμοις μὴ πολιτεύεσθαι

²μολυ̃ναι δὲ καὶ τὸν ἐν Ιεροσολύμοις νεὼ καὶ προσονομάσαι Διὸς 'Ολυμπίου καὶ τὸν ἐν Γαριζιν καθὼς ἐτύγχανον οἱ τὸν τόπον οἰκου̃ντες Διὸς Ξενίου

³χαλεπὴ δὲ καὶ τοι̃ς ὅλοις ἠ̃ν δυσχερὴς ἡ ἐπίτασις τη̃ς κακίας

⁴τὸ μὲν γὰρ ἱερὸν ἀσωτίας καὶ κώμων ὑπὸ τω̃ν ἐθνω̃ν ἐπεπληρου̃το ῥα̨θυμούντων μεθ' ἑταιρω̃ν καὶ ἐν τοι̃ς ἱεροι̃ς περιβόλοις γυναιξὶ πλησιαζόντων ἔτι δὲ τὰ μὴ καθήκοντα ἔνδον εἰσφερόντων

⁵τὸ δὲ θυσιαστήριον τοι̃ς ἀποδιεσταλμένοις ἀπὸ τω̃ν νόμων ἀθεμίτοις ἐπεπλήρωτο

⁶ἠ̃ν δ' οὔτε σαββατίζειν οὔτε πατρώ̨ους ἑορτὰς διαφυλάττειν οὔτε ἁπλω̃ς Ιουδαι̃ον ὁμολογει̃ν εἰ̃ναι

⁷ἤγοντο δὲ μετὰ πικρα̃ς ἀνάγκης εἰς τὴν κατὰ μη̃να του̃ βασιλέως γενέθλιον ἡμέραν ἐπὶ σπλαγχνισμόν γενομένης δὲ Διονυσίων ἑορτη̃ς ἠναγκάζοντο κισσοὺς ἔχοντες πομπεύειν τω̨̃ Διονύσω̨

⁸ψήφισμα δὲ ἐξέπεσεν εἰς τὰς ἀστυγείτονας 'Ελληνίδας πόλεις Πτολεμαίου ὑποθεμένου τὴν αὐτὴν ἀγωγὴν κατὰ τω̃ν Ιουδαίων ἄγειν καὶ σπλαγχνίζειν

⁹τοὺς δὲ μὴ προαιρουμένους μεταβαίνειν ἐπὶ τὰ ἑλληνικὰ κατασφάζειν παρη̃ν οὐ̃ν ὁρα̃ν τὴν ἐνεστω̃σαν ταλαιπωρίαν

¹⁰δύο γὰρ γυναι̃κες ἀνήχθησαν περιτετμηκυι̃αι τὰ τέκνα τούτων δὲ ἐκ τω̃ν μαστω̃ν κρεμάσαντες τὰ βρέφη καὶ δημοσία̨ περιαγαγόντες αὐτὰς τὴν πόλιν κατὰ του̃ τείχους ἐκρήμνισαν

¹¹ἕτεροι δὲ πλησίον συνδραμόντες εἰς τὰ σπήλαια λεληθότως ἄγειν τὴν ἑβδομάδα μηνυθέντες τω̨̃ Φιλίππω̨ συνεφλογίσθησαν διὰ τὸ εὐλαβω̃ς ἔχειν βοηθη̃σαι ἑαυτοι̃ς κατὰ τὴν δόξαν τη̃ς σεμνοτάτης ἡμέρας

¹²παρακαλω̃ οὐ̃ν τοὺς ἐντυγχάνοντας τη̨̃δε τη̨̃ βίβλω̨ μὴ συστέλλεσθαι διὰ τὰς συμφοράς λογίζεσθαι δὲ τὰς τιμωρίας μὴ πρὸς ὄλεθρον ἀλλὰ πρὸς παιδείαν του̃ γένους ἡμω̃ν εἰ̃ναι

¹³καὶ γὰρ τὸ μὴ πολὺν χρόνον ἐα̃σθαι τοὺς δυσσεβου̃ντας ἀλλ' εὐθέως περιπίπτειν ἐπιτίμοις μεγάλης εὐεργεσίας σημει̃όν ἐστιν

¹⁴οὐ γὰρ καθάπερ καὶ ἐπὶ τω̃ν ἄλλων ἐθνω̃ν ἀναμένει μακροθυμω̃ν ὁ δεσπότης μέχρι του̃ καταντήσαντας αὐτοὺς πρὸς ἐκπλήρωσιν ἁμαρτιω̃ν κολάσαι οὕτως καὶ ἐφ' ἡμω̃ν ἔκρινεν εἰ̃ναι

¹⁵ἵνα μὴ πρὸς τέλος ἀφικομένων ἡμω̃ν τω̃ν ἁμαρτιω̃ν ὕστερον ἡμα̃ς ἐκδικα̨̃

¹⁶διόπερ οὐδέποτε μὲν τὸν ἔλεον ἀφ' ἡμω̃ν ἀφίστησιν παιδεύων δὲ μετὰ συμφορα̃ς οὐκ ἐγκαταλείπει τὸν ἑαυτου̃ λαόν

¹⁷πλὴν ἕως ὑπομνήσεως ταυ̃θ' ἡμι̃ν εἰρήσθω δι' ὀλίγων δ' ἐλευστέον ἐπὶ τὴν διήγησιν

¹⁸Ελεάζαρός τις τω̃ν πρωτευόντων γραμματέων ἀνὴρ ἤδη προβεβηκὼς τὴν ἡλικίαν καὶ τὴν πρόσοψιν του̃ προσώπου κάλλιστος ἀναχανὼν ἠναγκάζετο φαγει̃ν ὕειον κρέας

¹⁹ὁ δὲ τὸν μετ' εὐκλείας θάνατον μα̃λλον ἢ τὸν μετὰ μύσους βίον ἀναδεξάμενος αὐθαιρέτως ἐπὶ τὸ τύμπανον προση̃γεν

²⁰προπτύσας δὲ καθ' ὃν ἔδει τρόπον προσέρχεσθαι τοὺς ὑπομένοντας ἀμύνασθαι ὡ̃ν οὐ θέμις γεύσασθαι διὰ τὴν πρὸς τὸ ζη̃ν φιλοστοργίαν

²¹οἱ δὲ πρὸς τω̨̃ παρανόμω̨ σπλαγχνισμω̨̃ τεταγμένοι διὰ τὴν ἐκ τω̃ν παλαιω̃ν χρόνων πρὸς τὸν ἄνδρα γνω̃σιν ἀπολαβόντες αὐτὸν κατ' ἰδίαν παρεκάλουν ἐνέγκαντα κρέα οἱ̃ς καθη̃κον αὐτω̨̃ χρα̃σθαι δι' αὐτου̃ παρασκευασθέντα ὑποκριθη̃ναι δὲ ὡς ἐσθίοντα τὰ ὑπὸ του̃ βασιλέως προστεταγμένα τω̃ν ἀπὸ τη̃ς θυσίας κρεω̃ν

²²ἵνα του̃το πράξας ἀπολυθη̨̃ του̃ θανάτου καὶ διὰ τὴν ἀρχαίαν πρὸς αὐτοὺς φιλίαν τύχη̨ φιλανθρωπίας

²³ὁ δὲ λογισμὸν ἀστει̃ον ἀναλαβὼν καὶ ἄξιον τη̃ς ἡλικίας καὶ τη̃ς του̃ γήρως ὑπεροχη̃ς καὶ τη̃ς ἐπικτήτου καὶ ἐπιφανου̃ς πολια̃ς καὶ τη̃ς ἐκ παιδὸς καλλίστης ἀναστροφη̃ς μα̃λλον δὲ τη̃ς ἁγίας καὶ θεοκτίστου νομοθεσίας ἀκολούθως ἀπεφήνατο ταχέως λέγων προπέμπειν εἰς τὸν ἅ̨δην

²⁴οὐ γὰρ τη̃ς ἡμετέρας ἡλικίας ἄξιόν ἐστιν ὑποκριθη̃ναι ἵνα πολλοὶ τω̃ν νέων ὑπολαβόντες Ελεαζαρον τὸν ἐνενηκονταετη̃ μεταβεβηκέναι εἰς ἀλλοφυλισμὸν

²⁵καὶ αὐτοὶ διὰ τὴν ἐμὴν ὑπόκρισιν καὶ διὰ τὸ μικρὸν καὶ ἀκαριαι̃ον ζη̃ν πλανηθω̃σιν δι' ἐμέ καὶ μύσος καὶ κηλι̃δα του̃ γήρως κατακτήσωμαι

²⁶εἰ γὰρ καὶ ἐπὶ του̃ παρόντος ἐξελου̃μαι τὴν ἐξ ἀνθρώπων τιμωρίαν ἀλλὰ τὰς του̃ παντοκράτορος χει̃ρας οὔτε ζω̃ν οὔτε ἀποθανὼν ἐκφεύξομαι

²⁷διόπερ ἀνδρείως μὲν νυ̃ν διαλλάξας τὸν βίον του̃ μὲν γήρως ἄξιος φανήσομαι

²⁸τοι̃ς δὲ νέοις ὑπόδειγμα γενναι̃ον καταλελοιπὼς εἰς τὸ προθύμως καὶ γενναίως ὑπὲρ τω̃ν σεμνω̃ν καὶ ἁγίων νόμων ἀπευθανατίζειν τοσαυ̃τα δὲ εἰπὼν ἐπὶ τὸ τύμπανον εὐθέως ἠ̃λθεν

²⁹τω̃ν δὲ ἀγόντων πρὸς αὐτὸν τὴν μικρω̨̃ πρότερον εὐμένειαν εἰς δυσμένειαν μεταβαλόντων διὰ τὸ τοὺς προειρημένους λόγους ὡς αὐτοὶ διελάμβανον ἀπόνοιαν εἰ̃ναι

³⁰μέλλων δὲ ται̃ς πληγαι̃ς τελευτα̃ν ἀναστενάξας εἰ̃πεν τω̨̃ κυρίω̨ τω̨̃ τὴν ἁγίαν γνω̃σιν ἔχοντι φανερόν ἐστιν ὅτι δυνάμενος ἀπολυθη̃ναι του̃ θανάτου σκληρὰς ὑποφέρω κατὰ τὸ σω̃μα ἀλγηδόνας μαστιγούμενος κατὰ ψυχὴν δὲ ἡδέως διὰ τὸν αὐτου̃ φόβον ταυ̃τα πάσχω

³¹καὶ οὑ̃τος οὐ̃ν του̃τον τὸν τρόπον μετήλλαξεν οὐ μόνον τοι̃ς νέοις ἀλλὰ καὶ τοι̃ς πλείστοις του̃ ἔθνους τὸν ἑαυτου̃ θάνατον ὑπόδειγμα γενναιότητος καὶ μνημόσυνον ἀρετη̃ς καταλιπών

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.