ΜΑΚΚΑΒΑΊΩΝ Γ, κεφαλίς 2: BIBLE, Greek/Septuagint == BIBLE-CENTER

ΜΑΚΚΑΒΑΊΩΝ Γ, κεφαλίς 2

¹ὁ μὲν οὐ̃ν ἀρχιερεὺς Σιμων ἐξ ἐναντίας του̃ ναου̃ κάμψας τὰ γόνατα καὶ τὰς χει̃ρας προτείνας εὐτάκτως ἐποιήσατο τὴν δέησιν τοιαύτην

²κύριε κύριε βασιλευ̃ τω̃ν οὐρανω̃ν καὶ δέσποτα πάσης κτίσεως ἅγιε ἐν ἁγίοις μόναρχε παντοκράτωρ πρόσχες ἡμι̃ν καταπονουμένοις ὑπὸ ἀνοσίου καὶ βεβήλου θράσει καὶ σθένει πεφρυαγμένου

³σὺ γὰρ ὁ κτίσας τὰ πάντα καὶ τω̃ν ὅλων ἐπικρατω̃ν δυνάστης δίκαιος εἰ̃ καὶ τοὺς ὕβρει καὶ ἀγερωχία̨ τι πράσσοντας κρίνεις

⁴σὺ τοὺς ἔμπροσθεν ἀδικίαν ποιήσαντας ἐν οἱ̃ς καὶ γίγαντες ἠ̃σαν ῥώμη̨ καὶ θράσει πεποιθότες διέφθειρας ἐπαγαγὼν αὐτοι̃ς ἀμέτρητον ὕδωρ

⁵σὺ τοὺς ὑπερηφανίαν ἐργαζομένους Σοδομίτας διαδήλους ται̃ς κακίαις γενομένους πυρὶ καὶ θείω̨ κατέφλεξας παράδειγμα τοι̃ς ἐπιγινομένοις καταστήσας

⁶σὺ τὸν θρασὺν Φαραω καταδουλωσάμενον τὸν λαόν σου τὸν ἅγιον Ισραηλ ποικίλαις καὶ πολλαι̃ς δοκιμάσας τιμωρίαις ἐγνώρισας τὴν σὴν δύναμιν ἐφ' οἱ̃ς ἐγνώρισας τὸ μέγα σου κράτος

⁷καὶ ἐπιδιώξαντα αὐτὸν σὺν ἅρμασιν καὶ ὄχλων πλήθει ἐπέκλυσας βάθει θαλάσσης τοὺς δὲ ἐμπιστεύσαντας ἐπὶ σοὶ τω̨̃ τη̃ς ἁπάσης κτίσεως δυναστεύοντι σώους διεκόμισας

⁸οἳ καὶ συνιδόντες ἔργα ση̃ς χειρὸς ἤ̨νεσάν σε τὸν παντοκράτορα

⁹σύ βασιλευ̃ κτίσας τὴν ἀπέραντον καὶ ἀμέτρητον γη̃ν ἐξελέξω τὴν πόλιν ταύτην καὶ ἡγίασας τὸν τόπον του̃τον εἰς ὄνομά σοι τω̨̃ τω̃ν ἁπάντων ἀπροσδεει̃ καὶ παρεδόξασας ἐν ἐπιφανεία̨ μεγαλοπρεπει̃ σύστασιν ποιησάμενος αὐτου̃ πρὸς δόξαν του̃ μεγάλου καὶ ἐντίμου ὀνόματός σου

¹⁰καὶ ἀγαπω̃ν τὸν οἰ̃κον του̃ Ισραηλ ἐπηγγείλω διότι ἐὰν γένηται ἡμω̃ν ἀποστροφὴ καὶ καταλάβη̨ ἡμα̃ς στενοχωρία καὶ ἐλθόντες εἰς τὸν τόπον του̃τον δεηθω̃μεν εἰσακούση̨ τη̃ς δεήσεως ἡμω̃ν

¹¹καὶ δὴ πιστὸς εἰ̃ καὶ ἀληθινός

¹²ἐπεὶ δὲ πλεονάκις θλιβέντων τω̃ν πατέρων ἡμω̃ν ἐβοήθησας αὐτοι̃ς ἐν τη̨̃ ταπεινώσει καὶ ἐρρύσω αὐτοὺς ἐκ μεγάλων κακω̃ν

¹³ἰδοὺ δὲ νυ̃ν ἅγιε βασιλευ̃ διὰ τὰς πολλὰς καὶ μεγάλας ἡμω̃ν ἁμαρτίας καταπονούμεθα καὶ ὑπετάγημεν τοι̃ς ἐχθροι̃ς ἡμω̃ν καὶ παρείμεθα ἐν ἀδυναμίαις

¹⁴ἐν δὲ τη̨̃ ἡμετέρα̨ καταπτώσει ὁ θρασὺς καὶ βέβηλος οὑ̃τος ἐπιτηδεύει καθυβρίσαι τὸν ἐπὶ τη̃ς γη̃ς ἀναδεδειγμένον τω̨̃ ὀνόματι τη̃ς δόξης σου ἅγιον τόπον

¹⁵τὸ μὲν γὰρ κατοικητήριόν σου οὐρανὸς του̃ οὐρανου̃ ἀνέφικτος ἀνθρώποις ἐστίν

¹⁶ἀλλὰ ἐπεὶ εὐδοκήσας τὴν δόξαν σου ἐν τω̨̃ λαω̨̃ σου Ισραηλ ἡγίασας τὸν τόπον του̃τον

¹⁷μὴ ἐκδικήση̨ς ἡμα̃ς ἐν τη̨̃ τούτων ἀκαθαρσία̨ μηδὲ εὐθύνη̨ς ἡμα̃ς ἐν βεβηλώσει ἵνα μὴ καυχήσωνται οἱ παράνομοι ἐν θυμω̨̃ αὐτω̃ν μηδὲ ἀγαλλιάσωνται ἐν ὑπερηφανία̨ γλώσσης αὐτω̃ν λέγοντες

¹⁸ἡμει̃ς κατεπατήσαμεν τὸν οἰ̃κον του̃ ἁγιασμου̃ ὡς καταπατου̃νται οἱ οἰ̃κοι τω̃ν προσοχθισμάτων

¹⁹ἀπάλειψον τὰς ἁμαρτίας ἡμω̃ν καὶ διασκέδασον τὰς ἀμβλακίας ἡμω̃ν καὶ ἐπίφανον τὸ ἔλεός σου κατὰ τὴν ὥραν ταύτην

²⁰ταχὺ προκαταλαβέτωσαν ἡμα̃ς οἱ οἰκτιρμοί σου καὶ δὸς αἰνέσεις ἐν τω̨̃ στόματι τω̃ν καταπεπτωκότων καὶ συντετριμμένων τὰς ψυχὰς ποιήσας ἡμι̃ν εἰρήνην

²¹ἐνταυ̃θα ὁ πάντων ἐπόπτης θεὸς καὶ προπάτωρ ἅγιος ἐν ἁγίοις εἰσακούσας τη̃ς ἐνθέσμου λιτανείας τὸν ὕβρει καὶ θράσει μεγάλως ἐπηρμένον ἐμάστιξεν αὐτὸν

²²ἔνθεν καὶ ἔνθεν κραδάνας αὐτὸν ὡς κάλαμον ὑπὸ ἀνέμου ὥστε κατ' ἐδάφους ἄπρακτον ἔτι καὶ τοι̃ς μέλεσιν παραλελυμένον μηδὲ φωνη̃σαι δύνασθαι δικαία̨ περιπεπληγμένον κρίσει

²³ὅθεν οἵ τε φίλοι καὶ σωματοφύλακες ὀξει̃αν ἰδόντες τὴν καταλαβου̃σαν αὐτὸν εὔθυναν φοβούμενοι μὴ καὶ τὸ ζη̃ν ἐκλείπη̨ ταχέως αὐτὸν ἐξείλκυσαν ὑπερβάλλοντι καταπεπληγμένοι φόβω̨

²⁴ἐν χρόνω̨ δὲ ὕστερον ἀναλεξάμενος αὑτὸν οὐδαμω̃ς εἰς μετάμελον ἠ̃λθεν ἐπιτιμηθείς ἀπειλὰς δὲ πικρὰς θέμενος ἀνέλυσεν

²⁵διακομισθεὶς δὲ εἰς τὴν Αἴγυπτον καὶ τὰ τη̃ς κακίας ἐπαύξων διά τε τω̃ν προαποδεδειγμένων συμποτω̃ν καὶ ἑταίρων του̃ παντὸς δικαίου κεχωρισμένων

²⁶οὐ μόνον ται̃ς ἀναριθμήτοις ἀσελγείαις διηρκέσθη ἀλλὰ καὶ ἐπὶ τοσου̃τον θράσους προη̃λθεν ὥστε δυσφημίας ἐν τοι̃ς τόποις συνίστασθαι καὶ πολλοὺς τω̃ν φίλων ἀτενίζοντας εἰς τὴν του̃ βασιλέως πρόθεσιν καὶ αὐτοὺς ἕπεσθαι τη̨̃ ἐκείνου θελήσει

²⁷προέθετο δημοσία̨ κατὰ του̃ ἔθνους διαδου̃ναι ψόγον ἐπὶ του̃ κατὰ τὴν αὐλὴν πύργου στήλην ἀναστήσας ἐκόλαψεν γραφὴν

²⁸μηδένα τω̃ν μὴ θυόντων εἰς τὰ ἱερὰ αὐτω̃ν εἰσιέναι πάντας δὲ τοὺς Ιουδαίους εἰς λαογραφίαν καὶ οἰκετικὴν διάθεσιν ἀχθη̃ναι τοὺς δὲ ἀντιλέγοντας βία̨ φερομένους του̃ ζη̃ν μεταστη̃σαι

²⁹τούς τε ἀπογραφομένους χαράσσεσθαι καὶ διὰ πυρὸς εἰς τὸ σω̃μα παρασήμω̨ Διονύσου κισσοφύλλω̨ οὓς καὶ καταχωρίσαι εἰς τὴν προσυνεσταλμένην αὐθεντίαν

³⁰ἵνα δὲ μὴ τοι̃ς πα̃σιν ἀπεχθόμενος φαίνηται ὑπέγραψεν ἐὰν δέ τινες ἐξ αὐτω̃ν προαιρω̃νται ἐν τοι̃ς κατὰ τὰς τελετὰς μεμυημένοις ἀναστρέφεσθαι τούτους ἰσοπολίτας 'Αλεξανδρευ̃σιν εἰ̃ναι

³¹ἔνιοι μὲν οὐ̃ν ἐπιπολαίως τὰς τη̃ς πόλεως εὐσεβείας ἐπιβάθρας στυγου̃ντες εὐχερω̃ς ἑαυτοὺς ἐδίδοσαν ὡς μεγάλης τινὸς κοινωνήσοντες εὐκλείας ἀπὸ τη̃ς ἐσομένης τω̨̃ βασιλει̃ συναναστροφη̃ς

³²οἱ δὲ πλει̃στοι γενναία̨ ψυχη̨̃ ἐνίσχυσαν καὶ οὐ διέστησαν τη̃ς εὐσεβείας τά τε χρήματα περὶ του̃ ζη̃ν ἀντικαταλλασσόμενοι ἀδεω̃ς ἐπειρω̃ντο ἑαυτοὺς ῥύσασθαι ἐκ τω̃ν ἀπογραφω̃ν

³³εὐέλπιδές τε καθειστήκεισαν ἀντιλήμψεως τεύξασθαι καὶ τοὺς ἀποχωρου̃ντας ἐξ αὐτω̃ν ἐβδελύσσοντο καὶ ὡς πολεμίους του̃ ἔθνους ἔκρινον καὶ τη̃ς κοινη̃ς συναναστροφη̃ς καὶ εὐχρηστίας ἐστέρουν

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.