ΜΑΚΚΑΒΑΊΩΝ Γ, κεφαλίς 4: BIBLE, Greek/Septuagint == BIBLE-CENTER

ΜΑΚΚΑΒΑΊΩΝ Γ, κεφαλίς 4

¹πάντη̨ δέ ὅπου προσέπιπτεν του̃το τὸ πρόσταγμα δημοτελὴς συνίστατο τοι̃ς ἔθνεσιν εὐωχία μετὰ ἀλαλαγμω̃ν καὶ χαρα̃ς ὡς ἂν τη̃ς προκατεσκιρωμένης αὐτοι̃ς πάλαι κατὰ διάνοιαν μετὰ παρρησίας νυ̃ν ἐκφαινομένης ἀπεχθείας

²τοι̃ς δὲ Ιουδαίοις ἄληκτον πένθος ἠ̃ν καὶ πανόδυρτος μετὰ δακρύων βοὴ στεναγμοι̃ς πεπυρωμένης πάντοθεν αὐτω̃ν τη̃ς καρδίας ὀλοφυρομένων τὴν ἀπροσδόκητον ἐξαίφνης αὐτοι̃ς ἐπικριθει̃σαν ὀλεθρίαν

³τίς νομὸς ἢ πόλις ἢ τίς τὸ σύνολον οἰκητὸς τόπος ἢ τίνες ἀγυιαὶ κοπετου̃ καὶ γόων ἐπ' αὐτοι̃ς οὐκ ἐνεπιπλω̃ντο

⁴οὕτως γὰρ μετὰ πικρίας ἀνοίκτου ψυχη̃ς ὑπὸ τω̃ν κατὰ πόλιν στρατηγω̃ν ὁμοθυμαδὸν ἐξαπεστέλλοντο ὥστε ἐπὶ ται̃ς ἐξάλλοις τιμωρίαις καί τινας τω̃ν ἐχθρω̃ν λαμβάνοντας πρὸ τω̃ν ὀφθαλμω̃ν τὸν κοινὸν ἔλεον καὶ λογιζομένους τὴν ἄδηλον του̃ βίου καταστροφὴν δακρύειν αὐτω̃ν τὴν δυσάθλιον ἐξαποστολήν

⁵ἤγετο γὰρ γεραιω̃ν πλη̃θος πολια̨̃ πεπυκασμένων τὴν ἐκ του̃ γήρως νωθρότητα ποδω̃ν ἐπίκυφον ἀνατροπη̃ς ὁρμη̨̃ βιαίας ἁπάσης αἰδου̃ς ἄνευ πρὸς ὀξει̃αν καταχρωμένων πορείαν

⁶αἱ δὲ ἄρτι πρὸς βίου κοινωνίαν γαμικὸν ὑπεληλυθυι̃αι παστὸν νεάνιδες ἀντὶ τέρψεως μεταλαβου̃σαι γόους καὶ κόνει τὴν μυροβρεχη̃ πεφυρμέναι κόμην ἀκαλύπτως δὲ ἀγόμεναι θρη̃νον ἀνθ' ὑμεναίων ὁμοθυμαδὸν ἐξη̃ρχον ὡς ἐσπαραγμέναι σκυλμοι̃ς ἀλλοεθνέσιν

⁷δέσμιαι δὲ δημοσία̨ μέχρι τη̃ς εἰς τὸ πλοι̃ον ἐμβολη̃ς εἵλκοντο μετὰ βίας

⁸οἵ τε τούτων συνζυγει̃ς βρόχοις ἀντὶ στεφέων τοὺς αὐχένας περιπεπλεγμένοι μετὰ ἀκμαίας νεανικη̃ς ἡλικίας ἀντὶ εὐωχίας καὶ νεωτερικη̃ς ῥα̨θυμίας τὰς ἐπιλοίπους τω̃ν γάμων ἡμέρας ἐν θρήνοις διη̃γον παρὰ πόδας ἤδη τὸν ἅ̨δην ὁρω̃ντες κείμενον

⁹κατήχθησαν δὲ θηρίων τρόπον ἀγόμενοι σιδηροδέσμοις ἀνάγκαις οἱ μὲν τοι̃ς ζυγοι̃ς τω̃ν πλοίων προσηλωμένοι τοὺς τραχήλους οἱ δὲ τοὺς πόδας ἀρρήκτοις κατησφαλισμένοι πέδαις

¹⁰ἔτι καὶ τω̨̃ καθύπερθε πυκνω̨̃ σανιδώματι διακειμένω̨ ὅπως πάντοθεν ἐσκοτισμένοι τοὺς ὀφθαλμοὺς ἀγωγὴν ἐπιβούλων ἐν παντὶ τω̨̃ κατάπλω̨ λαμβάνωσιν

¹¹τούτων δὲ ἐπὶ τὴν λεγομένην Σχεδίαν ἀχθέντων καὶ του̃ παράπλου περανθέντος καθὼς ἠ̃ν δεδογματισμένον τω̨̃ βασιλει̃ προσέταξεν αὐτοὺς ἐν τω̨̃ πρὸ τη̃ς πόλεως ἱπποδρόμω̨ παρεμβαλει̃ν ἀπλάτω̨ καθεστω̃τι περιμέτρω̨ καὶ πρὸς παραδειγματισμὸν ἄγαν εὐκαιροτάτω̨ καθεστω̃τι πα̃σι τοι̃ς καταπορευομένοις εἰς τὴν πόλιν καὶ τοι̃ς ἐκ τούτων εἰς τὴν χώραν στελλομένοις πρὸς ἐκδημίαν πρὸς τὸ μηδὲ ται̃ς δυνάμεσιν αὐτου̃ κοινωνει̃ν μηδὲ τὸ σύνολον καταξιω̃σαι περιβόλων

¹²ὡς δὲ του̃το ἐγενήθη ἀκούσας τοὺς ἐκ τη̃ς πόλεως ὁμοεθνει̃ς κρυβη̨̃ ἐκπορευομένους πυκνότερον ἀποδύρεσθαι τὴν ἀκλεη̃ τω̃ν ἀδελφω̃ν ταλαιπωρίαν

¹³διοργισθεὶς προσέταξεν καὶ τούτοις ὁμου̃ τὸν αὐτὸν τρόπον ἐπιμελω̃ς ὡς ἐκείνοις ποιη̃σαι μὴ λειπομένοις κατὰ μηδένα τρόπον τη̃ς ἐκείνων τιμωρίας

¹⁴ἀπογραφη̃ναι δὲ πα̃ν τὸ φυ̃λον ἐξ ὀνόματος οὐκ εἰς τὴν ἔμπροσθεν βραχει̃ προδεδηλωμένην τω̃ν ἔργων κατάπονον λατρείαν στρεβλωθέντας δὲ ται̃ς παρηγγελμέναις αἰκίαις τὸ τέλος ἀφανίσαι μια̃ς ὑπὸ καιρὸν ἡμέρας

¹⁵ἐγίνετο μὲν οὐ̃ν ἡ τούτων ἀπογραφὴ μετὰ πικρα̃ς σπουδη̃ς καὶ φιλοτίμου προσεδρείας ἀπὸ ἀνατολω̃ν ἡλίου μέχρι δυσμω̃ν ἀνήνυτον λαμβάνουσα τὸ τέλος ἐπὶ ἡμέρας τεσσαράκοντα

¹⁶μεγάλως δὲ καὶ διηνεκω̃ς ὁ βασιλεὺς χαρα̨̃ πεπληρωμένος συμπόσια ἐπὶ πάντων τω̃ν εἰδώλων συνιστάμενος πεπλανημένη̨ πόρρω τη̃ς ἀληθείας φρενὶ καὶ βεβήλω̨ στόματι τὰ μὲν κωφὰ καὶ μὴ δυνάμενα αὐτοι̃ς λαλει̃ν ἢ ἀρήγειν ἐπαινω̃ν εἰς δὲ τὸν μέγιστον θεὸν τὰ μὴ καθήκοντα λαλω̃ν

¹⁷μετὰ δὲ τὸ προειρημένον του̃ χρόνου διάστημα προσηνέγκαντο οἱ γραμματει̃ς τω̨̃ βασιλει̃ μηκέτι ἰσχύειν τὴν τω̃ν Ιουδαίων ἀπογραφὴν ποιει̃σθαι διὰ τὴν ἀμέτρητον αὐτω̃ν πληθὺν

¹⁸καίπερ ὄντων ἔτι κατὰ τὴν χώραν τω̃ν πλειόνων τω̃ν μὲν κατὰ τὰς οἰκίας ἔτι συνεστηκότων τω̃ν δὲ καὶ κατὰ τόπον ὡς ἀδυνάτου καθεστω̃τος πα̃σιν τοι̃ς ἐπ' Αἴγυπτον στρατηγοι̃ς

¹⁹ἀπειλήσαντος δὲ αὐτοι̃ς σκληρότερον ὡς δεδωροκοπημένοις εἰς μηχανὴν τη̃ς ἐκφυγη̃ς συνέβη σαφω̃ς αὐτὸν περὶ τούτου πιστωθη̃ναι

²⁰λεγόντων μετὰ ἀποδείξεως καὶ τὴν χαρτηρίαν ἤδη καὶ τοὺς γραφικοὺς καλάμους ἐν οἱ̃ς ἐχρω̃ντο ἐκλελοιπέναι

²¹του̃το δὲ ἠ̃ν ἐνέργεια τη̃ς του̃ βοηθου̃ντος τοι̃ς Ιουδαίοις ἐξ οὐρανου̃ προνοίας ἀνικήτου

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.