ΕΣΔΡΑΣ, κεφαλίς 4: BIBLE, Greek/Septuagint == BIBLE-CENTER

ΕΣΔΡΑΣ, κεφαλίς 4

¹καὶ ἤκουσαν οἱ θλίβοντες Ιουδα καὶ Βενιαμιν ὅτι οἱ υἱοὶ τη̃ς ἀποικίας οἰκοδομου̃σιν οἰ̃κον τω̨̃ κυρίω̨ θεω̨̃ Ισραηλ

²καὶ ἤγγισαν πρὸς Ζοροβαβελ καὶ πρὸς τοὺς ἄρχοντας τω̃ν πατριω̃ν καὶ εἰ̃παν αὐτοι̃ς οἰκοδομήσομεν μεθ' ὑμω̃ν ὅτι ὡς ὑμει̃ς ἐκζητου̃μεν τω̨̃ θεω̨̃ ὑμω̃ν καὶ αὐτω̨̃ ἡμει̃ς θυσιάζομεν ἀπὸ ἡμερω̃ν Ασαραδδων βασιλέως Ασσουρ του̃ ἐνέγκαντος ἡμα̃ς ὡ̃δε

³καὶ εἰ̃πεν πρὸς αὐτοὺς Ζοροβαβελ καὶ 'Ιησου̃ς καὶ οἱ κατάλοιποι τω̃ν ἀρχόντων τω̃ν πατριω̃ν του̃ Ισραηλ οὐχ ἡμι̃ν καὶ ὑμι̃ν του̃ οἰκοδομη̃σαι οἰ̃κον τω̨̃ θεω̨̃ ἡμω̃ν ὅτι ἡμει̃ς αὐτοὶ ἐπὶ τὸ αὐτὸ οἰκοδομήσομεν τω̨̃ κυρίω̨ θεω̨̃ ἡμω̃ν ὡς ἐνετείλατο ἡμι̃ν Κυ̃ρος ὁ βασιλεὺς Περσω̃ν

⁴καὶ ἠ̃ν ὁ λαὸς τη̃ς γη̃ς ἐκλύων τὰς χει̃ρας του̃ λαου̃ Ιουδα καὶ ἐνεπόδιζον αὐτοὺς του̃ οἰκοδομει̃ν

⁵καὶ μισθούμενοι ἐπ' αὐτοὺς βουλευόμενοι του̃ διασκεδάσαι βουλὴν αὐτω̃ν πάσας τὰς ἡμέρας Κύρου βασιλέως Περσω̃ν καὶ ἕως βασιλείας Δαρείου βασιλέως Περσω̃ν

⁶καὶ ἐν βασιλεία̨ Ασουηρου ἐν ἀρχη̨̃ βασιλείας αὐτου̃ ἔγραψαν ἐπιστολὴν ἐπὶ οἰκου̃ντας Ιουδα καὶ Ιερουσαλημ

⁷καὶ ἐν ἡμέραις Αρθασασθα ἔγραψεν ἐν εἰρήνη̨ Μιθραδάτη̨ Ταβεηλ σὺν καὶ τοι̃ς λοιποι̃ς συνδούλοις αὐτου̃ πρὸς Αρθασασθα βασιλέα Περσω̃ν ἔγραψεν ὁ φορολόγος γραφὴν Συριστὶ καὶ ἡρμηνευμένην

⁸Ραουμ βααλταμ καὶ Σαμσαι ὁ γραμματεὺς ἔγραψαν ἐπιστολὴν μίαν κατὰ Ιερουσαλημ τω̨̃ Αρθασασθα βασιλει̃

⁹τάδε ἔκρινεν Ραουμ βααλταμ καὶ Σαμσαι ὁ γραμματεὺς καὶ οἱ κατάλοιποι σύνδουλοι ἡμω̃ν Διναι̃οι Αφαρσαθαχαι̃οι Ταρφαλλαι̃οι Αφαρσαι̃οι Αρχυαι̃οι Βαβυλώνιοι Σουσαναχαι̃οι οἵ εἰσιν Ηλαμαι̃οι

¹⁰καὶ οἱ κατάλοιποι ἐθνω̃ν ὡ̃ν ἀπώ̨κισεν Ασενναφαρ ὁ μέγας καὶ ὁ τίμιος καὶ κατώ̨κισεν αὐτοὺς ἐν πόλεσιν τη̃ς Σομορων καὶ τὸ κατάλοιπον πέραν του̃ ποταμου̃

¹¹αὕτη ἡ διαταγὴ τη̃ς ἐπιστολη̃ς ἡ̃ς ἀπέστειλαν πρὸς αὐτόν πρὸς Αρθασασθα βασιλέα παι̃δές σου ἄνδρες πέραν του̃ ποταμου̃

¹²γνωστὸν ἔστω τω̨̃ βασιλει̃ ὅτι οἱ Ιουδαι̃οι ἀναβάντες ἀπὸ σου̃ ἐφ' ἡμα̃ς ἤλθοσαν εἰς Ιερουσαλημ τὴν πόλιν τὴν ἀποστάτιν καὶ πονηρὰν οἰκοδομου̃σιν καὶ τὰ τείχη αὐτη̃ς κατηρτισμένοι εἰσίν καὶ θεμελίους αὐτη̃ς ἀνύψωσαν

¹³νυ̃ν οὐ̃ν γνωστὸν ἔστω τω̨̃ βασιλει̃ ὅτι ἐὰν ἡ πόλις ἐκείνη ἀνοικοδομηθη̨̃ καὶ τὰ τείχη αὐτη̃ς καταρτισθω̃σιν φόροι οὐκ ἔσονταί σοι οὐδὲ δώσουσιν καὶ του̃το βασιλει̃ς κακοποιει̃

¹⁴καὶ ἀσχημοσύνην βασιλέως οὐκ ἔξεστιν ἡμι̃ν ἰδει̃ν διὰ του̃το ἐπέμψαμεν καὶ ἐγνωρίσαμεν τω̨̃ βασιλει̃

¹⁵ἵνα ἐπισκέψηται ἐν βιβλίω̨ ὑπομνηματισμου̃ τω̃ν πατέρων σου καὶ εὑρήσεις καὶ γνώση̨ ὅτι ἡ πόλις ἐκείνη πόλις ἀποστάτις καὶ κακοποιου̃σα βασιλει̃ς καὶ χώρας καὶ φυγάδια δούλων ἐν μέσω̨ αὐτη̃ς ἀπὸ χρόνων αἰω̃νος διὰ ταυ̃τα ἡ πόλις αὕτη ἠρημώθη

¹⁶γνωρίζομεν οὐ̃ν ἡμει̃ς τω̨̃ βασιλει̃ ὅτι ἐὰν ἡ πόλις ἐκείνη οἰκοδομηθη̨̃ καὶ τὰ τείχη αὐτη̃ς καταρτισθη̨̃ οὐκ ἔστιν σοι εἰρήνη

¹⁷καὶ ἀπέστειλεν ὁ βασιλεὺς πρὸς Ραουμ βααλταμ καὶ Σαμσαι γραμματέα καὶ τοὺς καταλοίπους συνδούλους αὐτω̃ν τοὺς οἰκου̃ντας ἐν Σαμαρεία̨ καὶ τοὺς καταλοίπους πέραν του̃ ποταμου̃ εἰρήνην καί φησιν

¹⁸ὁ φορολόγος ὃν ἀπεστείλατε πρὸς ἡμα̃ς ἐκλήθη ἔμπροσθεν ἐμου̃

¹⁹καὶ παρ' ἐμου̃ ἐτέθη γνώμη καὶ ἐπεσκεψάμεθα καὶ εὕραμεν ὅτι ἡ πόλις ἐκείνη ἀφ' ἡμερω̃ν αἰω̃νος ἐπὶ βασιλει̃ς ἐπαίρεται καὶ ἀποστάσεις καὶ φυγάδια γίνονται ἐν αὐτη̨̃

²⁰καὶ βασιλει̃ς ἰσχυροὶ γίνονται ἐπὶ Ιερουσαλημ καὶ ἐπικρατου̃ντες ὅλης τη̃ς ἑσπέρας του̃ ποταμου̃ καὶ φόροι πλήρεις καὶ μέρος δίδοται αὐτοι̃ς

²¹καὶ νυ̃ν θέτε γνώμην καταργη̃σαι τοὺς ἄνδρας ἐκείνους καὶ ἡ πόλις ἐκείνη οὐκ οἰκοδομηθήσεται ἔτι ὅπως ἀπὸ τη̃ς γνώμης

²²πεφυλαγμένοι ἠ̃τε ἄνεσιν ποιη̃σαι περὶ τούτου μήποτε πληθυνθη̨̃ ἀφανισμὸς εἰς κακοποίησιν βασιλευ̃σιν

²³τότε ὁ φορολόγος του̃ Αρθασασθα βασιλέως ἀνέγνω ἐνώπιον Ραουμ καὶ Σαμσαι γραμματέως καὶ συνδούλων αὐτω̃ν καὶ ἐπορεύθησαν σπουδη̨̃ εἰς Ιερουσαλημ καὶ ἐν Ιουδα καὶ κατήργησαν αὐτοὺς ἐν ἵπποις καὶ δυνάμει

²⁴τότε ἤργησεν τὸ ἔργον οἴκου του̃ θεου̃ του̃ ἐν Ιερουσαλημ καὶ ἠ̃ν ἀργου̃ν ἕως δευτέρου ἔτους τη̃ς βασιλείας Δαρείου του̃ βασιλέως Περσω̃ν

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.