ΑΠΟΚΑΛΥΨΙΣ ΙΩΑΝΝΟΥ, κεφαλίς 21: BIBLE, Greek/Septuagint == BIBLE-CENTER

ΑΠΟΚΑΛΥΨΙΣ ΙΩΑΝΝΟΥ, κεφαλίς 21

¹καὶ εἰ̃δον οὐρανòν καινòν καὶ γη̃ν καινήν ὁ γὰρ πρω̃τος οὐρανòς καὶ ἡ πρώτη γη̃ ἀπη̃λθαν καὶ ἡ θάλασσα οὐκ ἔστιν ἔτι

²καὶ τὴν πόλιν τὴν ἁγίαν ’Ιερουσαλὴμ καινὴν εἰ̃δον καταβαίνουσαν ἐκ του̃ οὐρανου̃ ἀπò του̃ θεου̃ ἡτοιμασμένην ὡς νύμφην κεκοσμημένην τω̨̃ ἀνδρὶ αὐτη̃ς

³καὶ ἤκουσα φωνη̃ς μεγάλης ἐκ του̃ θρόνου λεγούσης ἰδοὺ ἡ σκηνὴ του̃ θεου̃ μετὰ τω̃ν ἀνθρώπων καὶ σκηνώσει μετ' αὐτω̃ν καὶ αὐτοὶ λαοὶ αὐτου̃ ἔσονται καὶ αὐτòς ὁ θεòς μετ' αὐτω̃ν ἔσται αὐτω̃ν θεός

⁴καὶ ἐξαλείψει πα̃ν δάκρυον ἐκ τω̃ν ὀφθαλμω̃ν αὐτω̃ν καὶ ὁ θάνατος οὐκ ἔσται ἔτι οὔτε πένθος οὔτε κραυγὴ οὔτε πόνος οὐκ ἔσται ἔτι ὅτι τὰ πρω̃τα ἀπη̃λθαν

⁵καὶ εἰ̃πεν ὁ καθήμενος ἐπὶ τω̨̃ θρόνω̨ ἰδοὺ καινὰ ποιω̃ πάντα καὶ λέγει γράψον ὅτι οὑ̃τοι οἱ λόγοι πιστοὶ καὶ ἀληθινοί εἰσιν

⁶καὶ εἰ̃πέν μοι γέγοναν ἐγώ εἰμι τò ἄλφα καὶ τò ὠ̃ ἡ ἀρχὴ καὶ τò τέλος ἐγὼ τω̨̃ διψω̃ντι δώσω ἐκ τη̃ς πηγη̃ς του̃ ὕδατος τη̃ς ζωη̃ς δωρεάν

⁷ὁ νικω̃ν κληρονομήσει ταυ̃τα καὶ ἔσομαι αὐτω̨̃ θεòς καὶ αὐτòς ἔσται μοι υἱός

⁸τοι̃ς δὲ δειλοι̃ς καὶ ἀπίστοις καὶ ἐβδελυγμένοις καὶ φονευ̃σιν καὶ πόρνοις καὶ φαρμάκοις καὶ εἰδωλολάτραις καὶ πα̃σιν τοι̃ς ψευδέσιν τò μέρος αὐτω̃ν ἐν τη̨̃ λίμνη̨ τη̨̃ καιομένη̨ πυρὶ καὶ θείω̨ ὅ ἐστιν ὁ θάνατος ὁ δεύτερος

⁹καὶ ἠ̃λθεν εἱ̃ς ἐκ τω̃ν ἑπτὰ ἀγγέλων τω̃ν ἐχόντων τὰς ἑπτὰ φιάλας τω̃ν γεμόντων τω̃ν ἑπτὰ πληγω̃ν τω̃ν ἐσχάτων καὶ ἐλάλησεν μετ' ἐμου̃ λέγων δευ̃ρο δείξω σοι τὴν νύμφην τὴν γυναι̃κα του̃ ἀρνίου

¹⁰καὶ ἀπήνεγκέν με ἐν πνεύματι ἐπὶ ὄρος μέγα καὶ ὑψηλόν καὶ ἔδειξέν μοι τὴν πόλιν τὴν ἁγίαν ’Ιερουσαλὴμ καταβαίνουσαν ἐκ του̃ οὐρανου̃ ἀπò του̃ θεου̃

¹¹ἔχουσαν τὴν δόξαν του̃ θεου̃ ὁ φωστὴρ αὐτη̃ς ὅμοιος λίθω̨ τιμιωτάτω̨ ὡς λίθω̨ ἰάσπιδι κρυσταλλίζοντι

¹²ἔχουσα τει̃χος μέγα καὶ ὑψηλόν ἔχουσα πυλω̃νας δώδεκα καὶ ἐπὶ τοι̃ς πυλω̃σιν ἀγγέλους δώδεκα καὶ ὀνόματα ἐπιγεγραμμένα ἅ ἐστιν τὰ ὀνόματα τω̃ν δώδεκα φυλω̃ν υἱω̃ν ’Ισραήλ

¹³ἀπò ἀνατολη̃ς πυλω̃νες τρει̃ς καὶ ἀπò βορρα̃ πυλω̃νες τρει̃ς καὶ ἀπò νότου πυλω̃νες τρει̃ς καὶ ἀπò δυσμω̃ν πυλω̃νες τρει̃ς

¹⁴καὶ τò τει̃χος τη̃ς πόλεως ἔχων θεμελίους δώδεκα καὶ ἐπ' αὐτω̃ν δώδεκα ὀνόματα τω̃ν δώδεκα ἀποστόλων του̃ ἀρνίου

¹⁵καὶ ὁ λαλω̃ν μετ' ἐμου̃ εἰ̃χεν μέτρον κάλαμον χρυσου̃ν ἵνα μετρήση̨ τὴν πόλιν καὶ τοὺς πυλω̃νας αὐτη̃ς καὶ τò τει̃χος αὐτη̃ς

¹⁶καὶ ἡ πόλις τετράγωνος κει̃ται καὶ τò μη̃κος αὐτη̃ς ὅσον καὶ τò πλάτος καὶ ἐμέτρησεν τὴν πόλιν τω̨̃ καλάμω̨ ἐπὶ σταδίων δώδεκα χιλιάδων τò μη̃κος καὶ τò πλάτος καὶ τò ὕψος αὐτη̃ς ἴσα ἐστίν

¹⁷καὶ ἐμέτρησεν τò τει̃χος αὐτη̃ς ἑκατòν τεσσεράκοντα τεσσάρων πηχω̃ν μέτρον ἀνθρώπου ὅ ἐστιν ἀγγέλου

¹⁸καὶ ἡ ἐνδώμησις του̃ τείχους αὐτη̃ς ἴασπις καὶ ἡ πόλις χρυσίον καθαρòν ὅμοιον ὑάλω̨ καθαρω̨̃

¹⁹οἱ θεμέλιοι του̃ τείχους τη̃ς πόλεως παντὶ λίθω̨ τιμίω̨ κεκοσμημένοι ὁ θεμέλιος ὁ πρω̃τος ἴασπις ὁ δεύτερος σάπφιρος ὁ τρίτος χαλκηδών ὁ τέταρτος σμάραγδος

²⁰ὁ πέμπτος σαρδόνυξ ὁ ἕκτος σάρδιον ὁ ἕβδομος χρυσόλιθος ὁ ὄγδοος βήρυλλος ὁ ἔνατος τοπάζιον ὁ δέκατος χρυσόπρασος ὁ ἑνδέκατος ὑάκινθος ὁ δωδέκατος ἀμέθυστος

²¹καὶ οἱ δώδεκα πυλω̃νες δώδεκα μαργαρι̃ται ἀνὰ εἱ̃ς ἕκαστος τω̃ν πυλώνων ἠ̃ν ἐξ ἑνòς μαργαρίτου καὶ ἡ πλατει̃α τη̃ς πόλεως χρυσίον καθαρòν ὡς ὕαλος διαυγής

²²καὶ ναòν οὐκ εἰ̃δον ἐν αὐτη̨̃ ὁ γὰρ κύριος ὁ θεòς ὁ παντοκράτωρ ναòς αὐτη̃ς ἐστιν καὶ τò ἀρνίον

²³καὶ ἡ πόλις οὐ χρείαν ἔχει του̃ ἡλίου οὐδὲ τη̃ς σελήνης ἵνα φαίνωσιν αὐτη̨̃ ἡ γὰρ δόξα του̃ θεου̃ ἐφώτισεν αὐτήν καὶ ὁ λύχνος αὐτη̃ς τò ἀρνίον

²⁴καὶ περιπατήσουσιν τὰ ἔθνη διὰ του̃ φωτòς αὐτη̃ς καὶ οἱ βασιλει̃ς τη̃ς γη̃ς φέρουσιν τὴν δόξαν αὐτω̃ν εἰς αὐτήν

²⁵καὶ οἱ πυλω̃νες αὐτη̃ς οὐ μὴ κλεισθω̃σιν ἡμέρας νὺξ γὰρ οὐκ ἔσται ἐκει̃

²⁶καὶ οἴσουσιν τὴν δόξαν καὶ τὴν τιμὴν τω̃ν ἐθνω̃ν εἰς αὐτήν

²⁷καὶ οὐ μὴ εἰσέλθη̨ εἰς αὐτὴν πα̃ν κοινòν καὶ ὁ ποιω̃ν βδέλυγμα καὶ ψευ̃δος εἰ μὴ οἱ γεγραμμένοι ἐν τω̨̃ βιβλίω̨ τη̃ς ζωη̃ς του̃ ἀρνίου

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.