ΤΩΒΊΤ, κεφαλίς 3: BIBLE, Greek/Septuagint == BIBLE-CENTER

ΤΩΒΊΤ, κεφαλίς 3

¹καὶ λυπηθεὶς ἔκλαυσα καὶ προσευξάμην μετ' ὀδύνης λέγων

²δίκαιος εἰ̃ κύριε καὶ πάντα τὰ ἔργα σου καὶ πα̃σαι αἱ ὁδοί σου ἐλεημοσύναι καὶ ἀλήθεια καὶ κρίσιν ἀληθινὴν καὶ δικαίαν σὺ κρίνεις εἰς τὸν αἰω̃να

³μνήσθητί μου καὶ ἐπίβλεψον ἐπ' ἐμέ μή με ἐκδικήση̨ς ται̃ς ἁμαρτίαις μου καὶ τοι̃ς ἀγνοήμασίν μου καὶ τω̃ν πατέρων μου ἃ ἥμαρτον ἐνώπιόν σου

⁴παρήκουσαν γὰρ τω̃ν ἐντολω̃ν σου ἔδωκας ἡμα̃ς εἰς διαρπαγὴν καὶ αἰχμαλωσίαν καὶ θάνατον καὶ παραβολὴν ὀνειδισμου̃ πα̃σιν τοι̃ς ἔθνεσιν ἐν οἱ̃ς ἐσκορπίσμεθα

⁵καὶ νυ̃ν πολλαὶ αἱ κρίσεις σού εἰσιν ἀληθιναὶ ἐξ ἐμου̃ ποιη̃σαι περὶ τω̃ν ἁμαρτιω̃ν μου καὶ τω̃ν πατέρων μου ὅτι οὐκ ἐποιήσαμεν τὰς ἐντολάς σου οὐ γὰρ ἐπορεύθημεν ἐν ἀληθεία̨ ἐνώπιόν σου

⁶καὶ νυ̃ν κατὰ τὸ ἀρεστὸν ἐνώπιόν σου ποίησον μετ' ἐμου̃ ἐπίταξον ἀναλαβει̃ν τὸ πνευ̃μά μου ὅπως ἀπολυθω̃ καὶ γένωμαι γη̃ διότι λυσιτελει̃ μοι ἀποθανει̃ν ἢ ζη̃ν ὅτι ὀνειδισμοὺς ψευδει̃ς ἤκουσα καὶ λύπη ἐστὶν πολλὴ ἐν ἐμοί ἐπίταξον ἀπολυθη̃ναί με τη̃ς ἀνάγκης ἤδη εἰς τὸν αἰώνιον τόπον μὴ ἀποστρέψη̨ς τὸ πρόσωπόν σου ἀπ' ἐμου̃

⁷ἐν τη̨̃ αὐτη̨̃ ἡμέρα̨ συνέβη τη̨̃ θυγατρὶ Ραγουηλ Σαρρα ἐν 'Εκβατάνοις τη̃ς Μηδίας καὶ ταύτην ὀνειδισθη̃ναι ὑπὸ παιδισκω̃ν πατρὸς αὐτη̃ς

⁸ὅτι ἠ̃ν δεδομένη ἀνδράσιν ἑπτά καὶ Ασμοδαυς τὸ πονηρὸν δαιμόνιον ἀπέκτεινεν αὐτοὺς πρὶν ἢ γενέσθαι αὐτοὺς μετ' αὐτη̃ς ὡς ἐν γυναιξίν καὶ εἰ̃παν αὐτη̨̃ οὐ συνίεις ἀποπνίγουσά σου τοὺς ἄνδρας ἤδη ἑπτὰ ἔσχες καὶ ἑνὸς αὐτω̃ν οὐκ ὠνάσθης

⁹τί ἡμα̃ς μαστιγοι̃ς εἰ ἀπέθαναν βάδιζε μετ' αὐτω̃ν μὴ ἴδοιμέν σου υἱὸν ἢ θυγατέρα εἰς τὸν αἰω̃να

¹⁰ταυ̃τα ἀκούσασα ἐλυπήθη σφόδρα ὥστε ἀπάγξασθαι καὶ εἰ̃πεν μία μέν εἰμι τω̨̃ πατρί μου ἐὰν ποιήσω του̃το ὄνειδος αὐτω̨̃ ἐστιν καὶ τὸ γη̃ρας αὐτου̃ κατάξω μετ' ὀδύνης εἰς ἅ̨δου

¹¹καὶ ἐδεήθη πρὸς τη̨̃ θυρίδι καὶ εἰ̃πεν εὐλογητὸς εἰ̃ κύριε ὁ θεός μου καὶ εὐλογητὸν τὸ ὄνομά σου τὸ ἅγιον καὶ ἔντιμον εἰς τοὺς αἰω̃νας εὐλογήσαισάν σε πάντα τὰ ἔργα σου εἰς τὸν αἰω̃να

¹²καὶ νυ̃ν κύριε τοὺς ὀφθαλμούς μου καὶ τὸ πρόσωπόν μου εἰς σὲ δέδωκα

¹³εἰπὸν ἀπολυ̃σαί με ἀπὸ τη̃ς γη̃ς καὶ μὴ ἀκου̃σαί με μηκέτι ὀνειδισμόν

¹⁴σὺ γινώσκεις κύριε ὅτι καθαρά εἰμι ἀπὸ πάσης ἁμαρτίας ἀνδρὸς

¹⁵καὶ οὐκ ἐμόλυνα τὸ ὄνομά μου οὐδὲ τὸ ὄνομα του̃ πατρός μου ἐν τη̨̃ γη̨̃ τη̃ς αἰχμαλωσίας μου μονογενής εἰμι τω̨̃ πατρί μου καὶ οὐχ ὑπάρχει αὐτω̨̃ παιδίον ὃ κληρονομήσει αὐτόν οὐδὲ ἀδελφὸς ἐγγὺς οὐδὲ ὑπάρχων αὐτω̨̃ υἱός ἵνα συντηρήσω ἐμαυτὴν αὐτω̨̃ γυναι̃κα ἤδη ἀπώλοντό μοι ἑπτά ἵνα τί μοι ζη̃ν καὶ εἰ μὴ δοκει̃ σοι ἀποκτει̃ναί με ἐπίταξον ἐπιβλέψαι ἐπ' ἐμὲ καὶ ἐλεη̃σαί με καὶ μηκέτι ἀκου̃σαί με ὀνειδισμόν

¹⁶καὶ εἰσηκούσθη ἡ προσευχὴ ἀμφοτέρων ἐνώπιον τη̃ς δόξης του̃ μεγάλου Ραφαηλ

¹⁷καὶ ἀπεστάλη ἰάσασθαι τοὺς δύο του̃ Τωβιτ λεπίσαι τὰ λευκώματα καὶ Σαρραν τὴν του̃ Ραγουηλ δου̃ναι Τωβια τω̨̃ υἱω̨̃ Τωβιτ γυναι̃κα καὶ δη̃σαι Ασμοδαυν τὸ πονηρὸν δαιμόνιον διότι Τωβια ἐπιβάλλει κληρονομη̃σαι αὐτήν ἐν αὐτω̨̃ τω̨̃ καιρω̨̃ ἐπιστρέψας Τωβιτ εἰση̃λθεν εἰς τὸν οἰ̃κον αὐτου̃ καὶ Σαρρα ἡ του̃ Ραγουηλ κατέβη ἐκ του̃ ὑπερώ̨ου αὐτη̃ς

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.