Liber Psalmorum, Psalmus 112

¹ Alleluja.Laudate, pueri, Dominum;
laudate nomen Domini.

²Sit nomen Domini benedictum
ex hoc nunc et usque in sæculum.

³A solis ortu usque ad occasum
laudabile nomen Domini.

⁴Excelsus super omnes gentes Dominus,
et super cælos gloria ejus.

⁵Quis sicut Dominus Deus noster, qui in altis habitat,

⁶et humilia respicit in cælo et in terra?

⁷Suscitans a terra inopem,
et de stercore erigens pauperem:

⁸ut collocet eum cum principibus,
cum principibus populi sui.

⁹Qui habitare facit sterilem in domo,
matrem filiorum lætantem.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.