ΜΑΚΚΑΒΑΊΩΝ Β, κεφαλίς 10: BIBLE, Greek/Septuagint == BIBLE-CENTER

ΜΑΚΚΑΒΑΊΩΝ Β, κεφαλίς 10

¹Μακκαβαι̃ος δὲ καὶ οἱ σὺν αὐτω̨̃ του̃ κυρίου προάγοντος αὐτοὺς τὸ μὲν ἱερὸν ἐκομίσαντο καὶ τὴν πόλιν

²τοὺς δὲ κατὰ τὴν ἀγορὰν βωμοὺς ὑπὸ τω̃ν ἀλλοφύλων δεδημιουργημένους ἔτι δὲ τεμένη καθει̃λαν

³καὶ τὸν νεὼ καθαρίσαντες ἕτερον θυσιαστήριον ἐποίησαν καὶ πυρώσαντες λίθους καὶ πυ̃ρ ἐκ τούτων λαβόντες ἀνήνεγκαν θυσίας μετὰ διετη̃ χρόνον καὶ θυμίαμα καὶ λύχνους καὶ τω̃ν ἄρτων τὴν πρόθεσιν ἐποιήσαντο

⁴ταυ̃τα δὲ ποιήσαντες ἠξίωσαν τὸν κύριον πεσόντες ἐπὶ κοιλίαν μηκέτι περιπεσει̃ν τοιούτοις κακοι̃ς ἀλλ' ἐάν ποτε καὶ ἁμάρτωσιν ὑπ' αὐτου̃ μετὰ ἐπιεικείας παιδεύεσθαι καὶ μὴ βλασφήμοις καὶ βαρβάροις ἔθνεσιν παραδίδοσθαι

⁵ἐν ἡ̨̃ δὲ ἡμέρα̨ ὁ νεὼς ὑπὸ ἀλλοφύλων ἐβεβηλώθη συνέβη κατὰ τὴν αὐτὴν ἡμέραν τὸν καθαρισμὸν γενέσθαι του̃ ναου̃ τη̨̃ πέμπτη̨ καὶ εἰκάδι του̃ αὐτου̃ μηνός ὅς ἐστιν Χασελευ

⁶καὶ μετ' εὐφροσύνης ἠ̃γον ἡμέρας ὀκτὼ σκηνωμάτων τρόπον μνημονεύοντες ὡς πρὸ μικρου̃ χρόνου τὴν τω̃ν σκηνω̃ν ἑορτὴν ἐν τοι̃ς ὄρεσιν καὶ ἐν τοι̃ς σπηλαίοις θηρίων τρόπον ἠ̃σαν νεμόμενοι

⁷διὸ θύρσους καὶ κλάδους ὡραίους ἔτι δὲ καὶ φοίνικας ἔχοντες ὕμνους ἀνέφερον τω̨̃ εὐοδώσαντι καθαρισθη̃ναι τὸν ἑαυτου̃ τόπον

⁸ἐδογμάτισαν δὲ μετὰ κοινου̃ προστάγματος καὶ ψηφίσματος παντὶ τω̨̃ τω̃ν Ιουδαίων ἔθνει κατ' ἐνιαυτὸν ἄγειν τάσδε τὰς ἡμέρας

⁹καὶ τὰ μὲν τη̃ς 'Αντιόχου του̃ προσαγορευθέντος 'Επιφανου̃ς τελευτη̃ς οὕτως εἰ̃χεν

¹⁰νυνὶ δὲ τὰ κατὰ τὸν Εὐπάτορα 'Αντίοχον υἱὸν δὲ του̃ ἀσεβου̃ς γενόμενον δηλώσομεν αὐτὰ συντέμνοντες τὰ συνέχοντα τω̃ν πολέμων κακά

¹¹οὑ̃τος γὰρ παραλαβὼν τὴν βασιλείαν ἀνέδειξεν ἐπὶ τω̃ν πραγμάτων Λυσίαν τινά Κοίλης δὲ Συρίας καὶ Φοινίκης στρατηγὸν πρώταρχον

¹²Πτολεμαι̃ος γὰρ ὁ καλούμενος Μάκρων τὸ δίκαιον συντηρει̃ν προηγούμενος πρὸς τοὺς Ιουδαίους διὰ τὴν γεγονυι̃αν εἰς αὐτοὺς ἀδικίαν ἐπειρα̃το τὰ πρὸς αὐτοὺς εἰρηνικω̃ς διεξάγειν

¹³ὅθεν κατηγορούμενος ὑπὸ τω̃ν φίλων πρὸς τὸν Εὐπάτορα καὶ προδότης παρ' ἕκαστα ἀκούων διὰ τὸ τὴν Κύπρον ἐμπιστευθέντα ὑπὸ του̃ Φιλομήτορος ἐκλιπει̃ν καὶ πρὸς 'Αντίοχον τὸν 'Επιφανη̃ ἀναχωρη̃σαι μήτε εὐγενη̃ τὴν ἐξουσίαν εὐγενίσας φαρμακεύσας ἑαυτὸν ἐξέλιπεν τὸν βίον

¹⁴Γοργίας δὲ γενόμενος στρατηγὸς τω̃ν τόπων ἐξενοτρόφει καὶ παρ' ἕκαστα πρὸς τοὺς Ιουδαίους ἐπολεμοτρόφει

¹⁵ὁμου̃ δὲ τούτω̨ καὶ οἱ Ιδουμαι̃οι ἐγκρατει̃ς ἐπικαίρων ὀχυρωμάτων ὄντες ἐγύμναζον τοὺς Ιουδαίους καὶ τοὺς φυγαδεύσαντας ἀπὸ Ιεροσολύμων προσλαβόμενοι πολεμοτροφει̃ν ἐπεχείρουν

¹⁶οἱ δὲ περὶ τὸν Μακκαβαι̃ον ποιησάμενοι λιτανείαν καὶ ἀξιώσαντες τὸν θεὸν σύμμαχον αὐτοι̃ς γενέσθαι ἐπὶ τὰ τω̃ν Ιδουμαίων ὀχυρώματα ὥρμησαν

¹⁷οἱ̃ς καὶ προσβαλόντες εὐρώστως ἐγκρατει̃ς ἐγένοντο τω̃ν τόπων πάντας τε τοὺς ἐπὶ τω̨̃ τείχει μαχομένους ἠμύναντο κατέσφαζόν τε τοὺς ἐμπίπτοντας ἀνει̃λον δὲ οὐχ ἡ̃ττον τω̃ν δισμυρίων

¹⁸συμφυγόντων δὲ οὐκ ἔλαττον τω̃ν ἐνακισχιλίων εἰς δύο πύργους ὀχυροὺς εὐ̃ μάλα καὶ πάντα τὰ πρὸς πολιορκίαν ἔχοντας

¹⁹ὁ Μακκαβαι̃ος εἰς ἐπείγοντας τόπους ἀπολιπὼν Σιμωνα καὶ Ιωσηπον ἔτι δὲ καὶ Ζακχαι̃ον καὶ τοὺς σὺν αὐτω̨̃ ἱκανοὺς πρὸς τὴν τούτων πολιορκίαν αὐτὸς ἐχωρίσθη

²⁰οἱ δὲ περὶ τὸν Σιμωνα φιλαργυρήσαντες ὑπό τινων τω̃ν ἐν τοι̃ς πύργοις ἐπείσθησαν ἀργυρίω̨ ἑπτάκις δὲ μυρίας δραχμὰς λαβόντες εἴασάν τινας διαρρυη̃ναι

²¹προσαγγελέντος δὲ τω̨̃ Μακκαβαίω̨ περὶ του̃ γεγονότος συναγαγὼν τοὺς ἡγουμένους του̃ λαου̃ κατηγόρησεν ὡς ἀργυρίου πέπρακαν τοὺς ἀδελφοὺς τοὺς πολεμίους κατ' αὐτω̃ν ἀπολύσαντες

²²τούτους μὲν οὐ̃ν προδότας γενομένους ἀπέκτεινεν καὶ παραχρη̃μα τοὺς δύο πύργους κατελάβετο

²³τοι̃ς δὲ ὅπλοις τὰ πάντα ἐν ται̃ς χερσὶν εὐοδούμενος ἀπώλεσεν ἐν τοι̃ς δυσὶν ὀχυρώμασιν πλείους τω̃ν δισμυρίων

²⁴Τιμόθεος δὲ ὁ πρότερον ἡττηθεὶς ὑπὸ τω̃ν Ιουδαίων συναγαγὼν ξένας δυνάμεις παμπληθει̃ς καὶ τοὺς τη̃ς 'Ασίας γενομένους ἵππους συναθροίσας οὐκ ὀλίγους παρη̃ν ὡς δοριάλωτον λημψόμενος τὴν Ιουδαίαν

²⁵οἱ δὲ περὶ τὸν Μακκαβαι̃ον συνεγγίζοντος αὐτου̃ πρὸς ἱκετείαν του̃ θεου̃ γη̨̃ τὰς κεφαλὰς καταπάσαντες καὶ τὰς ὀσφύας σάκκοις ζώσαντες

²⁶ἐπὶ τὴν ἀπέναντι του̃ θυσιαστηρίου κρηπι̃δα προσπεσόντες ἠξίουν ἵλεως αὐτοι̃ς γενόμενον ἐχθρευ̃σαι τοι̃ς ἐχθροι̃ς αὐτω̃ν καὶ ἀντικει̃σθαι τοι̃ς ἀντικειμένοις καθὼς ὁ νόμος διασαφει̃

²⁷γενόμενοι δὲ ἀπὸ τη̃ς δεήσεως ἀναλαβόντες τὰ ὅπλα προη̃γον ἀπὸ τη̃ς πόλεως ἐπὶ πλει̃ον συνεγγίσαντες δὲ τοι̃ς πολεμίοις ἐφ' ἑαυτω̃ν ἠ̃σαν

²⁸ἄρτι δὲ τη̃ς ἀνατολη̃ς διαχεομένης προσέβαλον ἑκάτεροι οἱ μὲν ἔγγυον ἔχοντες εὐημερίας καὶ νίκης μετὰ ἀρετη̃ς τὴν ἐπὶ τὸν κύριον καταφυγήν οἱ δὲ καθηγεμόνα τω̃ν ἀγώνων ταττόμενοι τὸν θυμόν

²⁹γενομένης δὲ καρτερα̃ς μάχης ἐφάνησαν τοι̃ς ὑπεναντίοις ἐξ οὐρανου̃ ἐφ' ἵππων χρυσοχαλίνων ἄνδρες πέντε διαπρεπει̃ς καὶ ἀφηγούμενοι τω̃ν Ιουδαίων

³⁰οἳ καὶ τὸν Μακκαβαι̃ον μέσον λαβόντες καὶ σκεπάζοντες ται̃ς ἑαυτω̃ν πανοπλίαις ἄτρωτον διεφύλαττον εἰς δὲ τοὺς ὑπεναντίους τοξεύματα καὶ κεραυνοὺς ἐξερρίπτουν διὸ συγχυθέντες ἀορασία̨ διεκόπτοντο ταραχη̃ς πεπληρωμένοι

³¹κατεσφάγησαν δὲ δισμύριοι πρὸς τοι̃ς πεντακοσίοις ἱππει̃ς δὲ ἑξακόσιοι

³²αὐτὸς δὲ ὁ Τιμόθεος συνέφυγεν εἰς Γαζαρα λεγόμενον ὀχύρωμα εὐ̃ μάλα φρούριον στρατηγου̃ντος ἐκει̃ Χαιρεου

³³οἱ δὲ περὶ τὸν Μακκαβαι̃ον ἄσμενοι περιεκάθισαν τὸ φρούριον ἡμέρας τέσσαρας

³⁴οἱ δὲ ἔνδον τη̨̃ ἐρυμνότητι του̃ τόπου πεποιθότες ὑπεράγαν ἐβλασφήμουν καὶ λόγους ἀθεμίτους προΐεντο

³⁵ὑποφαινούσης δὲ τη̃ς πέμπτης ἡμέρας εἴκοσι νεανίαι τω̃ν περὶ τὸν Μακκαβαι̃ον πυρωθέντες τοι̃ς θυμοι̃ς διὰ τὰς βλασφημίας προσβαλόντες τω̨̃ τείχει ἀρρενωδω̃ς καὶ θηριώδει θυμω̨̃ τὸν ἐμπίπτοντα ἔκοπτον

³⁶ἕτεροι δὲ ὁμοίως προσαναβάντες ἐν τω̨̃ περισπασμω̨̃ πρὸς τοὺς ἔνδον ἐνεπίμπρων τοὺς πύργους καὶ πυρὰς ἀνάπτοντες ζω̃ντας τοὺς βλασφήμους κατέκαιον οἱ δὲ τὰς πύλας διέκοπτον εἰσδεξάμενοι δὲ τὴν λοιπὴν τάξιν προκατελάβοντο τὴν πόλιν

³⁷καὶ τὸν Τιμόθεον ἀποκεκρυμμένον ἔν τινι λάκκω̨ κατέσφαξαν καὶ τὸν τούτου ἀδελφὸν Χαιρέαν καὶ τὸν 'Απολλοφάνην

³⁸ταυ̃τα δὲ διαπραξάμενοι μεθ' ὕμνων καὶ ἐξομολογήσεων εὐλόγουν τω̨̃ κυρίω̨ τω̨̃ μεγάλως εὐεργετου̃ντι τὸν Ισραηλ καὶ τὸ νι̃κος αὐτοι̃ς διδόντι

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.