ΜΑΚΚΑΒΑΊΩΝ Β, κεφαλίς 12: BIBLE, Greek/Septuagint == BIBLE-CENTER

ΜΑΚΚΑΒΑΊΩΝ Β, κεφαλίς 12

¹γενομένων δὲ τω̃ν συνθηκω̃ν τούτων ὁ μὲν Λυσίας ἀπή̨ει πρὸς τὸν βασιλέα οἱ δὲ Ιουδαι̃οι περὶ τὴν γεωργίαν ἐγίνοντο

²τω̃ν δὲ κατὰ τόπον στρατηγω̃ν Τιμόθεος καὶ 'Απολλώνιος ὁ του̃ Γενναίου ἔτι δὲ 'Ιερώνυμος καὶ Δημοφών πρὸς δὲ τούτοις Νικάνωρ ὁ Κυπριάρχης οὐκ εἴων αὐτοὺς εὐσταθει̃ν καὶ τὰ τη̃ς ἡσυχίας ἄγειν

³'Ιοππι̃ται δὲ τηλικου̃το συνετέλεσαν τὸ δυσσέβημα παρακαλέσαντες τοὺς σὺν αὐτοι̃ς οἰκου̃ντας Ιουδαίους ἐμβη̃ναι εἰς τὰ παρακατασταθέντα ὑπ' αὐτω̃ν σκάφη σὺν γυναιξὶν καὶ τέκνοις ὡς μηδεμια̃ς ἐνεστώσης πρὸς αὐτοὺς δυσμενείας

⁴κατὰ δὲ τὸ κοινὸν τη̃ς πόλεως ψήφισμα καὶ τούτων ἐπιδεξαμένων ὡς ἂν εἰρηνεύειν θελόντων καὶ μηδὲν ὕποπτον ἐχόντων ἐπαναχθέντας αὐτοὺς ἐβύθισαν ὄντας οὐκ ἔλαττον τω̃ν διακοσίων

⁵μεταλαβὼν δὲ Ιουδας τὴν γεγονυι̃αν εἰς τοὺς ὁμοεθνει̃ς ὠμότητα παραγγείλας τοι̃ς περὶ αὐτὸν ἀνδράσιν

⁶καὶ ἐπικαλεσάμενος τὸν δίκαιον κριτὴν θεὸν παρεγένετο ἐπὶ τοὺς μιαιφόνους τω̃ν ἀδελφω̃ν καὶ τὸν μὲν λιμένα νύκτωρ ἐνέπρησεν καὶ τὰ σκάφη κατέφλεξεν τοὺς δὲ ἐκει̃ συμφυγόντας ἐξεκέντησεν

⁷του̃ δὲ χωρίου συγκλεισθέντος ἀνέλυσεν ὡς πάλιν ἥξων καὶ τὸ σύμπαν τω̃ν Ιοππιτω̃ν ἐκριζω̃σαι πολίτευμα

⁸μεταλαβὼν δὲ καὶ τοὺς ἐν Ιαμνεία̨ τὸν αὐτὸν ἐπιτελει̃ν βουλομένους τρόπον τοι̃ς παροικου̃σιν Ιουδαίοις

⁹καὶ τοι̃ς Ιαμνίταις νυκτὸς ἐπιβαλὼν ὑφη̃ψεν τὸν λιμένα σὺν τω̨̃ στόλω̨ ὥστε φαίνεσθαι τὰς αὐγὰς του̃ φέγγους εἰς τὰ Ιεροσόλυμα σταδίων ὄντων διακοσίων τεσσαράκοντα

¹⁰ἐκει̃θεν δὲ ἀποσπάσαντες σταδίους ἐννέα ποιουμένων τὴν πορείαν ἐπὶ τὸν Τιμόθεον προσέβαλον 'Άραβες αὐτω̨̃ οὐκ ἐλάττους τω̃ν πεντακισχιλίων ἱππει̃ς δὲ πεντακόσιοι

¹¹γενομένης δὲ καρτερα̃ς μάχης καὶ τω̃ν περὶ τὸν Ιουδαν διὰ τὴν παρὰ του̃ θεου̃ βοήθειαν εὐημερησάντων ἐλαττονωθέντες οἱ νομάδες ἠξίουν δου̃ναι τὸν Ιουδαν δεξιὰς αὐτοι̃ς ὑπισχνούμενοι καὶ βοσκήματα δώσειν καὶ ἐν τοι̃ς λοιποι̃ς ὠφελήσειν αὐτούς

¹²Ιουδας δὲ ὑπολαβὼν ὡς ἀληθω̃ς ἐν πολλοι̃ς αὐτοὺς χρησίμους ἐπεχώρησεν εἰρήνην ἄξειν πρὸς αὐτούς καὶ λαβόντες δεξιὰς εἰς τὰς σκηνὰς ἐχωρίσθησαν

¹³ἐπέβαλεν δὲ καὶ ἐπί τινα πόλιν γεφύραις ὀχυρὰν καὶ τείχεσιν περιπεφραγμένην καὶ παμμειγέσιν ἔθνεσιν κατοικουμένην ὄνομα δὲ Κασπιν

¹⁴οἱ δὲ ἔνδον πεποιθότες τη̨̃ τω̃ν τειχέων ἐρυμνότητι τη̨̃ τε τω̃ν βρωμάτων παραθέσει ἀναγωγότερον ἐχρω̃ντο τοι̃ς περὶ τὸν Ιουδαν λοιδορου̃ντες καὶ προσέτι βλασφημου̃ντες καὶ λαλου̃ντες ἃ μὴ θέμις

¹⁵οἱ δὲ περὶ τὸν Ιουδαν ἐπικαλεσάμενοι τὸν μέγαν του̃ κόσμου δυνάστην τὸν ἄτερ κριω̃ν καὶ μηχανω̃ν ὀργανικω̃ν κατακρημνίσαντα τὴν Ιεριχω κατὰ τοὺς 'Ιησου̃ χρόνους ἐνέσεισαν θηριωδω̃ς τω̨̃ τείχει

¹⁶καταλαβόμενοί τε τὴν πόλιν τη̨̃ του̃ θεου̃ θελήσει ἀμυθήτους ἐποιήσαντο σφαγὰς ὥστε τὴν παρακειμένην λίμνην τὸ πλάτος ἔχουσαν σταδίους δύο κατάρρυτον αἵματι πεπληρωμένην φαίνεσθαι

¹⁷ἐκει̃θεν δὲ ἀποσπάσαντες σταδίους ἑπτακοσίους πεντήκοντα διήνυσαν εἰς τὸν Χάρακα πρὸς τοὺς λεγομένους Τουβιανοὺς Ιουδαίους

¹⁸καὶ Τιμόθεον μὲν ἐπὶ τω̃ν τόπων οὐ κατέλαβον ἄπρακτον τότε ἀπὸ τω̃ν τόπων ἐκλελυκότα καταλελοιπότα δὲ φρουρὰν ἔν τινι τόπω̨ καὶ μάλα ὀχυράν

¹⁹Δοσίθεος δὲ καὶ Σωσίπατρος τω̃ν περὶ τὸν Μακκαβαι̃ον ἡγεμόνων ἐξοδεύσαντες ἀπώλεσαν τοὺς ὑπὸ Τιμοθέου καταλειφθέντας ἐν τω̨̃ ὀχυρώματι πλείους τω̃ν μυρίων ἀνδρω̃ν

²⁰ὁ δὲ Μακκαβαι̃ος διατάξας τὴν περὶ αὐτὸν στρατιὰν σπειρηδὸν κατέστησεν αὐτοὺς ἐπὶ τω̃ν σπειρω̃ν καὶ ἐπὶ τὸν Τιμόθεον ὥρμησεν ἔχοντα περὶ αὐτὸν μυριάδας δώδεκα πεζω̃ν ἱππει̃ς δὲ δισχιλίους πρὸς τοι̃ς πεντακοσίοις

²¹τὴν δὲ ἔφοδον μεταλαβὼν Ιουδου προεξαπέστειλεν ὁ Τιμόθεος τὰς γυναι̃κας καὶ τὰ τέκνα καὶ τὴν ἄλλην ἀποσκευὴν εἰς τὸ λεγόμενον Καρνιον ἠ̃ν γὰρ δυσπολιόρκητον καὶ δυσπρόσιτον τὸ χωρίον διὰ τὴν πάντων τω̃ν τόπων στενότητα

²²ἐπιφανείσης δὲ τη̃ς Ιουδου σπείρας πρώτης καὶ γενομένου δέους ἐπὶ τοὺς πολεμίους φόβου τε ἐκ τη̃ς του̃ τὰ πάντα ἐφορω̃ντος ἐπιφανείας γενομένης ἐπ' αὐτοὺς εἰς φυγὴν ὥρμησαν ἄλλος ἀλλαχη̨̃ φερόμενος ὥστε πολλάκις ὑπὸ τω̃ν ἰδίων βλάπτεσθαι καὶ ται̃ς τω̃ν ξιφω̃ν ἀκμαι̃ς ἀναπείρεσθαι

²³ἐποιει̃το δὲ τὸν διωγμὸν εὐτονώτερον ὁ Ιουδας συγκεντω̃ν τοὺς ἀλιτηρίους διέφθειρέν τε εἰς μυριάδας τρει̃ς ἀνδρω̃ν

²⁴αὐτὸς δὲ ὁ Τιμόθεος ἐμπεσὼν τοι̃ς περὶ τὸν Δοσίθεον καὶ Σωσίπατρον ἠξίου μετὰ πολλη̃ς γοητείας ἐξαφει̃ναι σω̃ον αὐτὸν διὰ τὸ πλειόνων μὲν γονει̃ς ὡ̃ν δὲ ἀδελφοὺς ἔχειν καὶ τούτους ἀλογηθη̃ναι συμβήσεται

²⁵πιστώσαντος δὲ αὐτου̃ διὰ πλειόνων τὸν ὁρισμὸν ἀποκαταστη̃σαι τούτους ἀπημάντους ἀπέλυσαν αὐτὸν ἕνεκα τη̃ς τω̃ν ἀδελφω̃ν σωτηρίας

²⁶ἐξελθὼν δὲ ἐπὶ τὸ Καρνιον καὶ τὸ Ατεργατειον κατέσφαξεν μυριάδας σωμάτων δύο καὶ πεντακισχιλίους

²⁷μετὰ δὲ τὴν τούτων τροπὴν καὶ ἀπώλειαν ἐπεστράτευσεν καὶ ἐπὶ Εφρων πόλιν ὀχυράν ἐν ἡ̨̃ κατώ̨κει Λυσίας καὶ πάμφυλα πλήθη νεανίαι δὲ ῥωμαλέοι πρὸ τω̃ν τειχέων καθεστω̃τες εὐρώστως ἀπεμάχοντο ἔνθα δὲ ὀργάνων καὶ βελω̃ν πολλαὶ παραθέσεις ὑπη̃ρχον

²⁸ἐπικαλεσάμενοι δὲ τὸν δυνάστην τὸν μετὰ κράτους συντρίβοντα τὰς τω̃ν πολεμίων ἀλκὰς ἔλαβον τὴν πόλιν ὑποχείριον κατέστρωσαν δὲ τω̃ν ἔνδον εἰς μυριάδας δύο πεντακισχιλίους

²⁹ἀναζεύξαντες δὲ ἐκει̃θεν ὥρμησαν ἐπὶ Σκυθω̃ν πόλιν ἀπέχουσαν ἀπὸ Ιεροσολύμων σταδίους ἑξακοσίους

³⁰ἀπομαρτυρησάντων δὲ τω̃ν ἐκει̃ καθεστώτων Ιουδαίων ἣν οἱ Σκυθοπολι̃ται ἔσχον πρὸς αὐτοὺς εὔνοιαν καὶ ἐν τοι̃ς τη̃ς ἀτυχίας καιροι̃ς ἥμερον ἀπάντησιν

³¹εὐχαριστήσαντες καὶ προσπαρακαλέσαντες καὶ εἰς τὰ λοιπὰ πρὸς τὸ γένος εὐμενει̃ς εἰ̃ναι παρεγενήθησαν εἰς Ιεροσόλυμα τη̃ς τω̃ν ἑβδομάδων ἑορτη̃ς οὔσης ὑπογύου

³²μετὰ δὲ τὴν λεγομένην πεντηκοστὴν ὥρμησαν ἐπὶ Γοργίαν τὸν τη̃ς Ιδουμαίας στρατηγόν

³³ἐξη̃λθεν δὲ μετὰ πεζω̃ν τρισχιλίων ἱππέων δὲ τετρακοσίων

³⁴παραταξαμένους δὲ συνέβη πεσει̃ν ὀλίγους τω̃ν Ιουδαίων

³⁵Δοσίθεος δέ τις τω̃ν του̃ Βακήνορος ἔφιππος ἀνὴρ καὶ καρτερός εἴχετο του̃ Γοργίου καὶ λαβόμενος τη̃ς χλαμύδος ἠ̃γεν αὐτὸν εὐρώστως καὶ βουλόμενος τὸν κατάρατον λαβει̃ν ζωγρίαν τω̃ν ἱππέων τινὸς Θρα̨κω̃ν ἐπενεχθέντος αὐτω̨̃ καὶ τὸν ὠ̃μον καθελόντος διέφυγεν ὁ Γοργίας εἰς Μαρισα

³⁶τω̃ν δὲ περὶ τὸν Εσδριν ἐπὶ πλει̃ον μαχομένων καὶ κατακόπων ὄντων ἐπικαλεσάμενος Ιουδας τὸν κύριον σύμμαχον φανη̃ναι καὶ προοδηγὸν του̃ πολέμου

³⁷καταρξάμενος τη̨̃ πατρίω̨ φωνη̨̃ τὴν μεθ' ὕμνων κραυγὴν ἐνσείσας ἀπροσδοκήτως τοι̃ς περὶ τὸν Γοργίαν τροπὴν αὐτω̃ν ἐποιήσατο

³⁸Ιουδας δὲ ἀναλαβὼν τὸ στράτευμα ἡ̃κεν εἰς Οδολλαμ πόλιν τη̃ς δὲ ἑβδομάδος ἐπιβαλλούσης κατὰ τὸν ἐθισμὸν ἁγνισθέντες αὐτόθι τὸ σάββατον διήγαγον

³⁹τη̨̃ δὲ ἐχομένη̨ ἠ̃λθον οἱ περὶ τὸν Ιουδαν καθ' ὃν χρόνον τὸ τη̃ς χρείας ἐγεγόνει τὰ σώματα τω̃ν προπεπτωκότων ἀνακομίσασθαι καὶ μετὰ τω̃ν συγγενω̃ν ἀποκαταστη̃σαι εἰς τοὺς πατρώ̨ους τάφους

⁴⁰εὑ̃ρον δὲ ἑκάστου τω̃ν τεθνηκότων ὑπὸ τοὺς χιτω̃νας ἱερώματα τω̃ν ἀπὸ Ιαμνείας εἰδώλων ἀφ' ὡ̃ν ὁ νόμος ἀπείργει τοὺς Ιουδαίους τοι̃ς δὲ πα̃σι σαφὲς ἐγένετο διὰ τήνδε τὴν αἰτίαν τούσδε πεπτωκέναι

⁴¹πάντες οὐ̃ν εὐλογήσαντες τὰ του̃ δικαιοκρίτου κυρίου τὰ κεκρυμμένα φανερὰ ποιου̃ντος

⁴²εἰς ἱκετείαν ἐτράπησαν ἀξιώσαντες τὸ γεγονὸς ἁμάρτημα τελείως ἐξαλειφθη̃ναι ὁ δὲ γενναι̃ος Ιουδας παρεκάλεσε τὸ πλη̃θος συντηρει̃ν αὑτοὺς ἀναμαρτήτους εἰ̃ναι ὑπ' ὄψιν ἑωρακότας τὰ γεγονότα διὰ τὴν τω̃ν προπεπτωκότων ἁμαρτίαν

⁴³ποιησάμενός τε κατ' ἀνδρολογίαν εἰς ἀργυρίου δραχμὰς δισχιλίας ἀπέστειλεν εἰς Ιεροσόλυμα προσαγαγει̃ν περὶ ἁμαρτίας θυσίαν πάνυ καλω̃ς καὶ ἀστείως πράττων ὑπὲρ ἀναστάσεως διαλογιζόμενος

⁴⁴εἰ μὴ γὰρ τοὺς προπεπτωκότας ἀναστη̃ναι προσεδόκα περισσὸν καὶ ληρω̃δες ὑπὲρ νεκρω̃ν εὔχεσθαι

⁴⁵εἰ̃τε' ἐμβλέπων τοι̃ς μετ' εὐσεβείας κοιμωμένοις κάλλιστον ἀποκείμενον χαριστήριον ὁσία καὶ εὐσεβὴς ἡ ἐπίνοια ὅθεν περὶ τω̃ν τεθνηκότων τὸν ἐξιλασμὸν ἐποιήσατο τη̃ς ἁμαρτίας ἀπολυθη̃ναι

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.