ΕΣΔΡΑΣ, κεφαλίς 3: BIBLE, Greek/Septuagint == BIBLE-CENTER

ΕΣΔΡΑΣ, κεφαλίς 3

¹καὶ ἔφθασεν ὁ μὴν ὁ ἕβδομος καὶ οἱ υἱοὶ Ισραηλ ἐν πόλεσιν αὐτω̃ν καὶ συνήχθη ὁ λαὸς ὡς ἀνὴρ εἱ̃ς εἰς Ιερουσαλημ

²καὶ ἀνέστη 'Ιησου̃ς ὁ του̃ Ιωσεδεκ καὶ οἱ ἀδελφοὶ αὐτου̃ ἱερει̃ς καὶ Ζοροβαβελ ὁ του̃ Σαλαθιηλ καὶ οἱ ἀδελφοὶ αὐτου̃ καὶ ὠ̨κοδόμησαν τὸ θυσιαστήριον θεου̃ Ισραηλ του̃ ἀνενέγκαι ἐπ' αὐτὸ ὁλοκαυτώσεις κατὰ τὰ γεγραμμένα ἐν νόμω̨ Μωυση̃ ἀνθρώπου του̃ θεου̃

³καὶ ἡτοίμασαν τὸ θυσιαστήριον ἐπὶ τὴν ἑτοιμασίαν αὐτου̃ ὅτι ἐν καταπλήξει ἐπ' αὐτοὺς ἀπὸ τω̃ν λαω̃ν τω̃ν γαιω̃ν καὶ ἀνέβη ἐπ' αὐτὸ ὁλοκαύτωσις τω̨̃ κυρίω̨ τὸ πρωὶ καὶ εἰς ἑσπέραν

⁴καὶ ἐποίησαν τὴν ἑορτὴν τω̃ν σκηνω̃ν κατὰ τὸ γεγραμμένον καὶ ὁλοκαυτώσεις ἡμέραν ἐν ἡμέρα̨ ἐν ἀριθμω̨̃ ὡς ἡ κρίσις λόγον ἡμέρας ἐν ἡμέρα̨ αὐτου̃

⁵καὶ μετὰ του̃το ὁλοκαυτώσεις ἐνδελεχισμου̃ καὶ εἰς τὰς νουμηνίας καὶ εἰς πάσας ἑορτὰς τὰς ἡγιασμένας καὶ παντὶ ἑκουσιαζομένω̨ ἑκούσιον τω̨̃ κυρίω̨

⁶ἐν ἡμέρα̨ μια̨̃ του̃ μηνὸς του̃ ἑβδόμου ἤρξαντο ἀναφέρειν ὁλοκαυτώσεις τω̨̃ κυρίω̨ καὶ ὁ οἰ̃κος κυρίου οὐκ ἐθεμελιώθη

⁷καὶ ἔδωκαν ἀργύριον τοι̃ς λατόμοις καὶ τοι̃ς τέκτοσιν καὶ βρώματα καὶ ποτὰ καὶ ἔλαιον τοι̃ς Σηδανιν καὶ τοι̃ς Σωριν ἐνέγκαι ξύλα κέδρινα ἀπὸ του̃ Λιβάνου πρὸς θάλασσαν Ιόππης κατ' ἐπιχώρησιν Κύρου βασιλέως Περσω̃ν ἐπ' αὐτούς

⁸καὶ ἐν τω̨̃ ἔτει τω̨̃ δευτέρω̨ του̃ ἐλθει̃ν αὐτοὺς εἰς οἰ̃κον του̃ θεου̃ εἰς Ιερουσαλημ ἐν μηνὶ τω̨̃ δευτέρω̨ ἤρξατο Ζοροβαβελ ὁ του̃ Σαλαθιηλ καὶ 'Ιησου̃ς ὁ του̃ Ιωσεδεκ καὶ οἱ κατάλοιποι τω̃ν ἀδελφω̃ν αὐτω̃ν οἱ ἱερει̃ς καὶ οἱ Λευι̃ται καὶ πάντες οἱ ἐρχόμενοι ἀπὸ τη̃ς αἰχμαλωσίας εἰς Ιερουσαλημ καὶ ἔστησαν τοὺς Λευίτας ἀπὸ εἰκοσαετου̃ς καὶ ἐπάνω ἐπὶ τοὺς ποιου̃ντας τὰ ἔργα ἐν οἴκω̨ κυρίου

⁹καὶ ἔστη 'Ιησου̃ς καὶ οἱ υἱοὶ αὐτου̃ καὶ οἱ ἀδελφοὶ αὐτου̃ Καδμιηλ καὶ οἱ υἱοὶ αὐτου̃ υἱοὶ Ιουδα ἐπὶ τοὺς ποιου̃ντας τὰ ἔργα ἐν οἴκω̨ του̃ θεου̃ υἱοὶ Ηναδαδ υἱοὶ αὐτω̃ν καὶ ἀδελφοὶ αὐτω̃ν οἱ Λευι̃ται

¹⁰καὶ ἐθεμελίωσαν του̃ οἰκοδομη̃σαι τὸν οἰ̃κον κυρίου καὶ ἔστησαν οἱ ἱερει̃ς ἐστολισμένοι ἐν σάλπιγξιν καὶ οἱ Λευι̃ται υἱοὶ Ασαφ ἐν κυμβάλοις του̃ αἰνει̃ν τὸν κύριον ἐπὶ χει̃ρας Δαυιδ βασιλέως Ισραηλ

¹¹καὶ ἀπεκρίθησαν ἐν αἴνω̨ καὶ ἀνθομολογήσει τω̨̃ κυρίω̨ ὅτι ἀγαθόν ὅτι εἰς τὸν αἰω̃να τὸ ἔλεος αὐτου̃ ἐπὶ Ισραηλ καὶ πα̃ς ὁ λαὸς ἐσήμαινον φωνὴν μεγάλην αἰνει̃ν τω̨̃ κυρίω̨ ἐπὶ θεμελιώσει οἴκου κυρίου

¹²καὶ πολλοὶ ἀπὸ τω̃ν ἱερέων καὶ τω̃ν Λευιτω̃ν καὶ ἄρχοντες τω̃ν πατριω̃ν οἱ πρεσβύτεροι οἳ εἴδοσαν τὸν οἰ̃κον τὸν πρω̃τον ἐν θεμελιώσει αὐτου̃ καὶ του̃τον τὸν οἰ̃κον ἐν ὀφθαλμοι̃ς αὐτω̃ν ἔκλαιον φωνη̨̃ μεγάλη̨ καὶ ὄχλος ἐν σημασία̨ μετ' εὐφροσύνης του̃ ὑψω̃σαι ὠ̨δήν

¹³καὶ οὐκ ἠ̃ν ὁ λαὸς ἐπιγινώσκων φωνὴν σημασίας τη̃ς εὐφροσύνης ἀπὸ τη̃ς φωνη̃ς του̃ κλαυθμου̃ του̃ λαου̃ ὅτι ὁ λαὸς ἐκραύγασεν φωνη̨̃ μεγάλη̨ καὶ ἡ φωνὴ ἠκούετο ἕως ἀπὸ μακρόθεν

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.