ΕΣΔΡΑΣ, κεφαλίς 6: BIBLE, Greek/Septuagint == BIBLE-CENTER

ΕΣΔΡΑΣ, κεφαλίς 6

¹τότε Δαρει̃ος ὁ βασιλεὺς ἔθηκεν γνώμην καὶ ἐπεσκέψατο ἐν ται̃ς βιβλιοθήκαις ὅπου ἡ γάζα κει̃ται ἐν Βαβυλω̃νι

²καὶ εὑρέθη ἐν πόλει ἐν τη̨̃ βάρει τη̃ς Μήδων πόλεως κεφαλὶς μία καὶ του̃το ἠ̃ν γεγραμμένον ἐν αὐτη̨̃ ὑπόμνημα

³ἐν ἔτει πρώτω̨ Κύρου βασιλέως Κυ̃ρος ὁ βασιλεὺς ἔθηκεν γνώμην περὶ οἴκου του̃ θεου̃ του̃ ἐν Ιερουσαλημ οἰ̃κος οἰκοδομηθήτω καὶ τόπος οὑ̃ θυσιάζουσιν τὰ θυσιάσματα καὶ ἔθηκεν ἔπαρμα ὕψος πήχεις ἑξήκοντα πλάτος αὐτου̃ πήχεων ἑξήκοντα

⁴καὶ δόμοι λίθινοι κραταιοὶ τρει̃ς καὶ δόμος ξύλινος εἱ̃ς καὶ ἡ δαπάνη ἐξ οἴκου του̃ βασιλέως δοθήσεται

⁵καὶ τὰ σκεύη οἴκου του̃ θεου̃ τὰ ἀργυρα̃ καὶ τὰ χρυσα̃ ἃ Ναβουχοδονοσορ ἐξήνεγκεν ἀπὸ οἴκου του̃ ἐν Ιερουσαλημ καὶ ἐκόμισεν εἰς Βαβυλω̃να καὶ δοθήτω καὶ ἀπελθάτω εἰς τὸν ναὸν τὸν ἐν Ιερουσαλημ ἐπὶ τόπου οὑ̃ ἐτέθη ἐν οἴκω̨ του̃ θεου̃

⁶νυ̃ν δώσετε ἔπαρχοι πέραν του̃ ποταμου̃ Σαθαρβουζανα καὶ οἱ σύνδουλοι αὐτω̃ν Αφαρσαχαι̃οι οἱ ἐν πέρα του̃ ποταμου̃ μακρὰν ὄντες ἐκει̃θεν

⁷ἄφετε τὸ ἔργον οἴκου του̃ θεου̃ οἱ ἀφηγούμενοι τω̃ν Ιουδαίων καὶ οἱ πρεσβύτεροι τω̃ν Ιουδαίων οἰ̃κον του̃ θεου̃ ἐκει̃νον οἰκοδομείτωσαν ἐπὶ του̃ τόπου αὐτου̃

⁸καὶ ἀπ' ἐμου̃ ἐτέθη γνώμη μήποτέ τι ποιήσητε μετὰ τω̃ν πρεσβυτέρων τω̃ν Ιουδαίων του̃ οἰκοδομη̃σαι οἰ̃κον του̃ θεου̃ ἐκει̃νον καὶ ἀπὸ ὑπαρχόντων βασιλέως τω̃ν φόρων πέραν του̃ ποταμου̃ ἐπιμελω̃ς δαπάνη ἔστω διδομένη τοι̃ς ἀνδράσιν ἐκείνοις τὸ μὴ καταργηθη̃ναι

⁹καὶ ὃ ἂν ὑστέρημα καὶ υἱοὺς βοω̃ν καὶ κριω̃ν καὶ ἀμνοὺς εἰς ὁλοκαυτώσεις τω̨̃ θεω̨̃ του̃ οὐρανου̃ πυρούς ἅλας οἰ̃νον ἔλαιον κατὰ τὸ ῥη̃μα τω̃ν ἱερέων τω̃ν ἐν Ιερουσαλημ ἔστω διδόμενον αὐτοι̃ς ἡμέραν ἐν ἡμέρα̨ ὃ ἐὰν αἰτήσωσιν

¹⁰ἵνα ὠ̃σιν προσφέροντες εὐωδίας τω̨̃ θεω̨̃ του̃ οὐρανου̃ καὶ προσεύχωνται εἰς ζωὴν του̃ βασιλέως καὶ τω̃ν υἱω̃ν αὐτου̃

¹¹καὶ ἀπ' ἐμου̃ ἐτέθη γνώμη ὅτι πα̃ς ἄνθρωπος ὃς ἀλλάξει τὸ ῥη̃μα του̃το καθαιρεθήσεται ξύλον ἐκ τη̃ς οἰκίας αὐτου̃ καὶ ὠρθωμένος παγήσεται ἐπ' αὐτου̃ καὶ ὁ οἰ̃κος αὐτου̃ τὸ κατ' ἐμὲ ποιηθήσεται

¹²καὶ ὁ θεός οὑ̃ κατασκηνοι̃ τὸ ὄνομα ἐκει̃ καταστρέψει πάντα βασιλέα καὶ λαόν ὃς ἐκτενει̃ τὴν χει̃ρα αὐτου̃ ἀλλάξαι ἢ ἀφανίσαι τὸν οἰ̃κον του̃ θεου̃ ἐκει̃νον τὸν ἐν Ιερουσαλημ ἐγὼ Δαρει̃ος ἔθηκα γνώμην ἐπιμελω̃ς ἔσται

¹³τότε Θανθαναι ἔπαρχος πέραν του̃ ποταμου̃ Σαθαρβουζανα καὶ οἱ σύνδουλοι αὐτου̃ πρὸς ὃ ἀπέστειλεν Δαρει̃ος ὁ βασιλεὺς οὕτως ἐποίησαν ἐπιμελω̃ς

¹⁴καὶ οἱ πρεσβύτεροι τω̃ν Ιουδαίων ὠ̨κοδομου̃σαν καὶ οἱ Λευι̃ται ἐν προφητεία̨ Αγγαιου του̃ προφήτου καὶ Ζαχαριου υἱου̃ Αδδω καὶ ἀνω̨κοδόμησαν καὶ κατηρτίσαντο ἀπὸ γνώμης θεου̃ Ισραηλ καὶ ἀπὸ γνώμης Κύρου καὶ Δαρείου καὶ Αρθασασθα βασιλέων Περσω̃ν

¹⁵καὶ ἐτέλεσαν τὸν οἰ̃κον του̃τον ἕως ἡμέρας τρίτης μηνὸς Αδαρ ὅ ἐστιν ἔτος ἕκτον τη̨̃ βασιλεία̨ Δαρείου του̃ βασιλέως

¹⁶καὶ ἐποίησαν οἱ υἱοὶ Ισραηλ οἱ ἱερει̃ς καὶ οἱ Λευι̃ται καὶ οἱ κατάλοιποι υἱω̃ν ἀποικεσίας ἐγκαίνια του̃ οἴκου του̃ θεου̃ ἐν εὐφροσύνη̨

¹⁷καὶ προσήνεγκαν εἰς τὰ ἐγκαίνια του̃ οἴκου του̃ θεου̃ μόσχους ἑκατόν κριοὺς διακοσίους ἀμνοὺς τετρακοσίους χιμάρους αἰγω̃ν περὶ ἁμαρτίας ὑπὲρ παντὸς Ισραηλ δώδεκα εἰς ἀριθμὸν φυλω̃ν Ισραηλ

¹⁸καὶ ἔστησαν τοὺς ἱερει̃ς ἐν διαιρέσεσιν αὐτω̃ν καὶ τοὺς Λευίτας ἐν μερισμοι̃ς αὐτω̃ν ἐπὶ δουλεία̨ θεου̃ του̃ ἐν Ιερουσαλημ κατὰ τὴν γραφὴν βιβλίου Μωυση̃

¹⁹καὶ ἐποίησαν οἱ υἱοὶ τη̃ς ἀποικεσίας τὸ πασχα τη̨̃ τεσσαρεσκαιδεκάτη̨ του̃ μηνὸς του̃ πρώτου

²⁰ὅτι ἐκαθαρίσθησαν οἱ ἱερει̃ς καὶ οἱ Λευι̃ται ἕως εἱ̃ς πάντες καθαροὶ καὶ ἔσφαξαν τὸ πασχα τοι̃ς πα̃σιν υἱοι̃ς τη̃ς ἀποικεσίας καὶ τοι̃ς ἀδελφοι̃ς αὐτω̃ν τοι̃ς ἱερευ̃σιν καὶ ἑαυτοι̃ς

²¹καὶ ἔφαγον οἱ υἱοὶ Ισραηλ τὸ πασχα οἱ ἀπὸ τη̃ς ἀποικεσίας καὶ πα̃ς ὁ χωριζόμενος τη̃ς ἀκαθαρσίας ἐθνω̃ν τη̃ς γη̃ς πρὸς αὐτοὺς του̃ ἐκζητη̃σαι κύριον θεὸν Ισραηλ

²²καὶ ἐποίησαν τὴν ἑορτὴν τω̃ν ἀζύμων ἑπτὰ ἡμέρας ἐν εὐφροσύνη̨ ὅτι εὔφρανεν αὐτοὺς κύριος καὶ ἐπέστρεψεν καρδίαν βασιλέως Ασσουρ ἐπ' αὐτοὺς κραταιω̃σαι τὰς χει̃ρας αὐτω̃ν ἐν ἔργοις οἴκου του̃ θεου̃ Ισραηλ

To view greek and slavonic text correctly you need to install Lucida Sans Unicode and Hirmos fonts. If your browser supports latest CSS3 standard, fonts will be auto-loaded, there's no need to install them.


	After registering, you can subscribe to any Bible reading plan. Personalized settings and other services for registered users are planned, so we recommend registering now. Registration is free.